Ruka hadi kwenye maudhui makuu

BARUA KWA MH.RAIS WA JAMUHURI YA MUUNGANO TANZANIA

MTEULE THE BEST


Kwako Mheshimiwa Rais,
Kwanza kabisa nakupongeza kwa kazi nzuri unayoifanya ya kuongoza taifa hili la Tanzania na pia pole kwa majukumu uliyonayo,kuna mengi mazuri unayafanya huenda sisi watanzania wa kawaida hatuyaelewi na kuona unakosea ila naamini mwisho wa siku tutaelewa.
Lengo la ujumbe huu kwako ni kuhusiana na kilio tulichonacho sisi vijana ambao kwa muda sasa tunasubiri ajira. Ni muda wa miezi 9 umepita tangu uliposema mbele ya vyombo vya habari kuwa zoezi la uhakiki litadumu mwezi mmoja na nusu haitozidi miwili utakuwa umetoa ajira ambapo wengi tukawa tuna matumaini kuwa zitatoka ajira zile 71,000 lakini mpaka leo kwa taarifa mzitoazo ni kuwa mmetoa ajira 5000 kuachia mbali za wakurugenzi na wenyeviti wa taasisi mbalimbali.
Si kweli kwamba vijana wote ni wavivu na tumeshindwa kujiongeza la hasha kinachopelekea tuonekane wazembe, hatuwezi kujiongeza,mizigo kwa wazazi,hatutaki kujiajiri sababu kubwa ni hizo ahadi zenu mnazotupa za miezi miwili miwili zinafanya tuwe na matumaini makubwa na kungoja ahadi maana hii serikali tunaiamini sana katika utekelezaji wa mambo.
Kutotolewa kwa ajira mpaka sasa kumepelekea hata wazazi wetu waliokupenda sana wakati wa kampeni,kubishana kuwa wewe ni bora kuliko wengine na hata kuimba sana ule wimbo wa waisome namba wameanza kukuchukia kwa sababu walitoa ada zao, gharama zao ili kuwasomesha watoto wao ili wakipata kazi basi waendeleze familia na kuwasaidia ndugu zao. Imepelekea hata kuchukia kauli zako pale wanapolalamika hela hakuna mtaani,imepelekea kuona kila ukisemacho kama hakina maana kwao na sisi vijana kuona serikali hii haitujali tena.
Ombi langu kwako Mheshimiwa Rais Magufuli ni kuwa tuambie ukweli ni lini umepanga kutoa ajira hata kama ni baada ya mwaka huu kuisha au miaka miwili mbele tutaumia ila itatusaidia kujipanga vyema na kamwe hutosikia tukilalamika kuhusu ajira. Chondechonde kupitia mawaziri wako naomba msitupe ahadi tamu za kuwa ajira zitatoka baada ya muda mfupi wakati mipango ya serikali si kutoa ajira mapema.
Sina mengi kwa leo naomba nikutakie kazi njema na uendelee vyema na majukumu yako ya ujenzi wa taifa letu.             Ni mimi mwananchi wako mtiifu                                                   Jimmy George.

Maoni

Chapisha Maoni

Machapisho maarufu kutoka blogu hii

Urusi: Vikwazo dhidi ya Korea Kaskazini havitafua dafu

MTEULE THE BEST Image caption Waziri wa maswala ya kigeni nchini Urusi Sergei Lavrov na mwenzeka wa Marekani Rex Tillerson Waziri wa maswala ya kigeni nchini Urusi Segei Lavrov amemwambia waziri wa ulinzi nchini Marekani Rex Tillerson kwamba kuiwekea vikwazo zaidi Korea Kaskazini hakutafua dafu. Taarifa iliochapishwa na wizara ya kigeni nchini Urusi inasema kuwa wawili hao walizungumza kwa njia ya simu na kushutumu majaribio ya makombora ya hivi karibuni yaliotekelezwa na Pyongyang . Lakini inasema kuwa bwana Lavrov alisisitiza kwamba diplomasia ndio njia ya pekee ya kumaliza wasiwasi katika rasi ya Korea, na kutaka hatua zozote dhidi ya taifa hilo kusitishwa akionya huenda zikasababisha madhara yasiojulikana. Waziri wa ulinzi nchini Marekani amesisitiza kuwa bado kuna fursa ya kidiplomasia katika kukabiliana na Korea Kaskazini. Mapema rais Trump alichapisha ujumbe katika akaunti yake ya Twitter akisema mazungumzo sio suluhisho.
Chapisha Maoni
mteule the best »

*DKT. MAGUFULI, MNANGAGWA WAWEKA HISTORIA MPYA*

Rais wa Zimbabwe, Emerson Mnangagwa na Rais wa Jamhuri ya Muungano wa Tanzania, Dkt. John Pombe Magufuli Rais wa Zimbabwe, Emerson Mnangagwa na Rais wa Jamhuri ya Muungano wa Tanzania, Dkt. John Pombe Magufuli wameweka historia mpya kwa kukubaliana kushirikiana kwenye maeneo makuu matatu yenye tija pande zote. *Kwanza*, *Kuimarisha uchumi* wa nchi hizi mbili kwa kukuza uwekezaji na biashara ambao umeanza kuonesha matunda makubwa. Mathalani, katika eneo la biashara kumeonyesha mafanikio makubwa kila mwaka. Mfano mwaka 2016 biashara kati ya Tanzania na Zimbabwe ilikuwa ni Tsh. Bilioni 18.3. Mwaka 2017 biashara ilikuwa Tsh. Bilioni 21.1. *Pili*; *kushirikiana* vyema kwenye masuala ya *utalii* kwa kutumia wingi wa vivutio vya utalii kama vile mbuga za wanyama, fukwe, maeneo ya kihistoria pamoja na Mlima Kilimanjaro. *Tatu*; Kushirikiana na kuimarisha eneo la *huduma za kijamii* zikiwemo afya, utamaduni, elimu na kukuza lugha ya kiswahili ambapo Tanzania ina Waalimu wa kutosha na hivyo...
Chapisha Maoni
mteule the best »

MAPENZI: Kuna faida na ni muhimu Mpenzi wako kuwa rafiki yako pia

Kuna faida kubwa kwa wapenzi kuwa marafiki KUTOKANA na mila mbalimbali, baadhi ya watu wamekuwa wakiamini kwamba mwanamke ni daraja la pili. Daraja la kwanza na lenye kuthaminiwa ni mwanaume. Yaani mwanamke hana kauli kwa mwanaume. Anakuwa kama mtumwa fulani hivi.  Mwanaume akiongea, basi ni maelekezo kama vile rais wa nchi anavyotoa maelekezo kwa watu walio chini yake. Hakuna wa kupinga. Akisema sitaki kitu fulani kifanyike, basi ni mpaka atakapotoa maelekezo mengine. Vinginevyo, maelekezo ya awali yatabaki kusimama kama sheria.  Wapo baadhi ya wanawake wanaofurahia aina hii ya uhusiano kwa sababu ya mazoea. Kwamba wamekuzwa hivyo, mwanaume ni mwanaume. Huu ni mfumo ambao watu wengi wamekuwa wakiuishi. Kuna ambao wanakubaliana nao, wengine hawakubaliani nao.  Watu wengi sana wamekuwa wakiishi katika malumbano katika mahusiano yao kutokana na mfumo huu wa maisha. Mwanamke hataki kuishi kama mtumwa, mume anakomaa kuonesha uanaume wake. Hakuna anayekubali kushuka,...
Chapisha Maoni
mteule the best »