SOCIALISM

Trump ametishia kulipiza kisasi kwa sababu ya ''upumbavu'' Macron Raisi wa Marekani Donald Trump amemshutumu raisi wa Ufaransa, Emmanuel Macron kwa ''upumbavu'' kuhusu kodi ya huduma za kidigitali, na kudokeza kuwa atalipiza kisasi kwa kutoza kodi mvinyo wa Ufaransa. Trump alionyesha ghadhabu yake kwenye ukurasa wa Twitter siku ya Ijumaa, akijibu mipango ya Ufaransa kutoza kodi mashirika kama Google. Mamlaka za Ufaransa zimedai kuwa makampuni hayo hulipa kiasi kidogo au kutolipa kabisa katika nchi ambazo si makao yao makuu. Utawala wa Trump umesema kodi hiyo inawalenga makampuni makubwa ya teknolojia ya Marekani isivyo haki. ''Ufaransa inampango wa kutoza kodi makampuni yetu makubwa ya teknolojia. Yeyote anayepaswa kuyatoza kodi ni nchi makampuni yanakotoka, yaani Marekani'', Trump aliandika kwenye ukurasa wa Twitter. ''Tutatangaza hatua za kulipiza kisasi kutokana na upumbavu wa Macron muda mfupi ujao.Siku zote nime...

Chifu Mkwawa: Shujaa aliyewaongoza Wahehe kupinga utawala wa kikoloni Afrika mashariki Fuvu la Chifu Mkwawa limewekwa ndani ya sanduku la kigae katika jumba la ukumbusho la Mkwawa huko Kalenga, Tanzania ya kati. Lakini kama taji, awali lilitundikwa katika nyumba ya afisa wa kikoloni huko Bagamoyo, kabla ya kuondolewa na kupelekwa Ujerumani - mkoloni wa mji huo - mwanzo mwa karne ya 20. Fuvu hilo lilitumika kuwatishia Wahehe, ambao waliongozwa na shujaa huyo katika vita vya kupinga utawala wa kikoloni wa Ujerumani. Na ufanisi wake ulikuwa ni mkubwa katika miaka ya 1890 kiasi cha Ujerumani kutangaza zawadi kwa yeyote atakeleta kichwa chake. Inaaminika kwamba alijitoa uhai mwenyewe mnamo 1898, badala ya kuingia izara ya kukamatwa, wakati alipokuwa akijificha katika pango lililozungukwa na wanajeshi wa Ujerumani. Miongo miwili baadaye, mjadala kuhusu hatma ya fuvu hilo uligubika majadiliano ya wanadiplomasia ambao kwa miezi kadhaa walishindana kuhusu makubaliano ya vita hivyo v...

Real Madrid wana imani watafanikiwa kumsajili kiugo wa kati Mfaransa Paul Pogba kutoka Manchester United msimu ujao. (ESPN) Bayern Munich wameanza mazungumzo na Manchester City kuhusu usajiliwa wa winga wao wa miaka 23 Mjerumani Leroy Sane, amabaye thamani yake inakadiriwa kuwa £90m. (Mirror) Romelu Lukaku, 26, amesafiri nyumbani Ubelgiji siku ya Ijumaa kufanya mazungumzo na ajenti wake huku Inter Milan wakikaribia kufikia mkataba wa £70m kumnunua kuingo huyo wa safu ya ushambulizi kutoka Manchester United. (Daily Mail) Romelu Lukaku akiwa mazoezini na wachazaji wenzake Mmiliki wa Newcastle Mike Ashley amesema chamsingi ni maishani ni "pesa kwanza kisha klabu baadae" kwa maneja wake wa zamani Rafael Benitez, na kuongeza kuwa "ni vigumu" kuendelea kumng'ang'ania raia huyo wa Uhispania. (Mail) Atletico Madrid wanataka kumsajili kiungo wa kati wa Colombia James Rodriguez, 28, kutoka kwa mahasimu wao Real Madrid. (Independent) Mshambuliaji ...

Hugo Santillan: Bondia wa Argentina afariki kufuatia majeraha aliyopata katika pigano Santillan alikuwa bingwa wa zamani wa uzani wa feather Bondia wa Argentina Hugo Santillan amefariki kutokana na majeraha aliyopata katika pigano , siku chache baada ya kifo cha bondia wa Urusi Maxim Dadashev. Bondia huyo mwenye umri wa miaka 23 alizirai katika ukumbi siku ya Jumamosi baada ya pigano lake la ukanda wa WBC dhidi ya Eduardo Javier Abreu nchini Argentina kuisha kwa sare. Alipelekwa hospitalini na kufanyiwa upasuaji lakini akafariki siku ya Alhamisi. ''Lala kwa amani, Hugo Santillan'' ,alisema afisa wa ukanda wa WBC katika ujumbe wake wa Twitter. Santillan ni bondia wa pili kufariki kutokana na majeraha aliyopata katika ulingo wa ndondi wiki hii baada ya kifo cha Dadashev kuthibitishwa siku ya Jumanne. Bondia huyo mwenye umri wa miaka 28 alipelekwa hospitalini akitokwa na damu katika ubongo baada ya pigano lake la IBF ukanda wa Welterwieght dhidi ya Subriel Ma...

Fedha za ndani kugharamia mradi wa kufua umeme wa kilowati 2115 Raisi wa Tanzania Dokta John Magufuli akisalimiana na Waziri wa nishati wa Misri Dokta Mohamed Shaker Raisi John Magufuli ameweka jiwe la msingi kwenye mradi mkubwa wa kufua umeme katika mto Rufiji utakaozalisha umeme wa kilowati 2115 Mradi huu utakaogharimu kiasi cha trilioni 6.5 za Tanzania, zikiwa fedha za ndani, ulipangwa kutekelezwa kwa miezi 42 hivi sasa ikiwa imebaki miezi 36 pekee ili kuukamilisha, Umeme utakaozalishwa utasafirishwa kutoka Rufiji kuelekea Chalinze , umbali wa km 167 kisha Dar es Salaam na Dodoma pia umeme utakaozalishwa utaweza kuendesha treni za mwendo kasi. Waziri wa Nishati nchini Tanzania, Dokta Medard Kalemani amesema malengo ya serikali ni kuzalisha umeme wa megawatt 10000 ifikapo mwaka 2025. Mradi huu una manufaa gani? Utasaidia udhibiti uharibifu wa mazingira, Dar es Salaam pekee magunia laki 5 ya mkaa hupelekwa na kutumika kila mwezi kutoka msituni, Asilimia 71.2 ya watanz...

Korea Kaskazini yatoa onyo kwa Korea Kusini kwamba ni vigumu kujilinda dhidi ya kombora lake jipya Korea kaskzini ilirusha makombora yake mawili katika bahari ya Japan Korea Kaskazini imetaja majaribio ya makombora yake mapya siku ya Alhamisi kuwa onyo rasmi dhidi ya kile ilichokitaja kuwa uchokozi wa Korea Kusini. Kombora hilo la masafa mafupi lilirushwa katika bahari ya Japan , pia ikijulikana kama bahari ya magharibi kutoka Wonsan katika pwani ya mashariki ya Korea Kaskazini. Kiongozi wa taifa hilo Kim Jong Un alisema kuwa taifa lake lililazimika kuunda silaha ili kukabiliana na tishio la moja ka moja. Amesema kuwa jaribio hilo lilishirikisha mfumo wa kiufundi wa kuelekeza makombora. Matamshi ya bwana Kim yalioripotiwa katika vyombo vya habari yanajiri baada ya Korea Kaskazini kukosoa uamuzi wa Korea Kusini na Marekani kushiriki katika zoezi la pamoja la kijeshi mwezi ujao. Korea Kaskazini imetaja zoezi hilo la kijeshi kama maandalizi ya kulivamia taifa hilo. Ijapokuwa ...

Tetesi za Soka Ulaya Ijumaa 26.07.2019: Zaha, Maguire, Bale, Pogba, Neymar, Malcom Manchester United huenda ikalazimika kulipa Leicester City £80m kumnunua mlinzi wake Harry Maguire baada ya Eric Bailly kuumia goti katika mechi ya kirafiki dhidi ya Tottenham. (Mirror) Winga wa Leicester Muingereza Demarai Gray 23- amesema hakuna haja ya kuwa na "hofu" kuhusu uhamisho wa Maguire na kuongeza kuwa haamini nyota huyo wa miaka, 26, ana msongo wa mawazo kuhusu hatma yake. (Leicester Mercury) Meneja wa Liverpool Jurgen Klopp amepuuzilia mbali madai kuwa wanamlenga mshambuliaji wa Real Madrid Gareth Bale, 30, na kusisitiza kuwa kipaumbele chake kwa sasa ni kuimarisha kikosi kilichopo badala ya kununua wachezaji wapya. (Independent) Gareth Bale alijiunga na Real Madrid mwaka 2013 Everton imeifahamisha Crystal Palace kuwa wanaandaa dao la £60m kumnunua mshambuliiaji wa Uturuki Cenk Tosun kama sehemu ya mkataba wa kumzuilia mshambuliaji wa Ivory Coast Wilfried Zaha, 26 ...

Marekani kutekeleza adhabu kifo kwa mara ya kwanza tangu 2003 “Idara ya haki inazingatia utawala wa sheria kwa sababu tunawajibu wa kuitendea haki familia ya wahasiriwa wa mauaji ," anasema mwanasheria mkuu William Barr Serikali ya Marekani imeidhinisha adhabu ya kifo ianze tena kutekelezwa baada ya adhabu hiyo kusitishwa miaka 16 iliyopita, yasema Idara ya mahakama. Katika taarifa mwanasheria mkuu William Barr amesema kuwa tayari ameiiagiza Halmashauri ya magereza kupanga siku ya kunyongwa kwa wafungwa watano waliopewa adhabu hiyo. Bw. Barr amesema watano hao walishitakiwa kwa kuhusika na mauaji na ubakaji wa watoto na watu wazima. Hukumu dhidi yao imepangwa kutekelezwa Decemba 2019 na Januari 2020. "Kwa kuzingatia pande zote mbili husika, Idara ya haki imeomba kutekelezwa kwa hukumu ya kifo dhidi ya wahalifu sugu," ilisema tarifa ya Bw. Barr. "Idara ya haki inazingatia kikamilifu utawala wa sheria - na ni wajibu wake kutekeleza hukumu iliyotolewa d...

Trump akaidi uamuzi wa bunge na kuamua kuiuzuia silaha Saudi Arabia zenye thamani ya $8bn Rais Trump, akiwa pamoja na mwanamfalme wa Saudia wanashika chati inayoonyesha mauzo ya silaha kwa Saudia Rais huyo wa Marekani ametumia kura ya turufu kufutilia mbali uamuzi wa bunge la Congress la kuzuia mauzo ya silaha yenye thamani ya $8bn kwa Saudia na UAE. Donald Trump alisema kuwa maamuzi hayo matatu yatadhoofisha uwezo wa Marekani ulimwenguni na kuharibu uhusiano wake na washirika wake . Hatua hiyo inajiri baada ya mabunge yote mawili kupiga kura ya kuzuia mauzo hayo. Baadhi ya wabunge wanasema kwamba walihofia kwamba silaha hizo huenda zikatumiwa dhidi ya raia katika mgogoro wa Yemen. Wameshutumu vitendo vya Saudia nchini Yemen pamoja na mauaji ya mwaka jana ya mwandishi Jamal Khashoggi. Hatahivyo bunge le seneti litapiga kura baada ya siku moja ili kuona iwapo litakaidi uamuzi wa bwana Trump , kulingana na kiongozi wa wengi katika chama cha Republican Mitch Connel. Lakin...

Korea Kaskazini yarusha kombora la masafa mafupi baharini Haijulikani iwapo Kim Jong Un alisimamia uzinduzi huo Korea Kaskazini imerusha kombora la masafa mafupi baharini kulingana na mkuu wa wafanyikazi wa umma nchini Korea Kusini. Makombora hayo yalizinduliwa mapema siku ya Alhamisi , yakisafiri umbali wa kilomita 430 na kupaa angani umbali wa kilomita 50 kabla ya kuanguka katika bahari ya Japan , ambayo pia inajulikana kama bahari ya mashariki. Hatua hiyo inajiri baada ya taifa hilo kukasirishwa na mipango ya zoezi la pamoja la kijeshi kati ya Marekeni na Korea Kusini linalotarajiwa kufanyika mwezi ujao. Korea Kaskazini imeonya kwamba mazoezi hayo yatarudisha nyuma mazungumzo ya taifa hilo kutojihami na silaha za kinyuklia. Kombora la kwanza lilirushwa mwendo wa saa 05.34 mapema alfajiri na la pili mwendo wa 5.57 kulingana na Korea Kusini. Makombora hayo yalirushwa karibu na mji wa Wonsan. Haijulikani iwapo kiongozi wa Korea Kaskazini Kim Jong un alisimamisha uzinduz...

Meneja wa Liverpool Jurgen Klopp amefutilia mbali uwezekano wa kumsajili kiungo wa kati wa Barcelona, Philippe Coutinho, 27, ambaye aliondoka Anfield kwa kima cha £142m mwaka 2018. (ESPN) Paris St-Germain imekubali kulipa £28m kumsajili kiungo wa kimataifa wa Senegal Idrissa Gueye, 29, kutoka Everton. (Mail) Toffees wanaendelea kushauriana na Crystal Palace kuhusu usajili wa nyota wa kimataifa wa Ivory Coast Wilfried Zaha, 26, kwa pauni £80m. (Sky Sports) Tottenham imewasiliana na Juventus kuhusu usajili wa nyota wa kimataifa wa Argentina international mshambuliaji Paulo Dybala, 25, ambaye bei yake anayekadiriwa kuwa £80m. (Evening Standard) Paul Dybala Manchester United wameomba kufahamishwa kuhusu hatma ya mchezaji Christian Eriksen, 27, wa Tottenham. Kandarasi ya nyota huyo wa kimataifa wa Denmark amesalia na mwaka mmoja kukamilika na huenda akauzwa kwa pauni milioni 70. (Mail) United pia inamlenga mshambuliaji wa Lille na nyota wa kimataifa wa Ivory ...

Maxim Dadashev alipigwa vibaya na Subriel Matias Ijumaa Dadashev alishinda mapambano yake 13 kabla ya kupigwa Ijumaa Bondia raia wa Urusi Maxim Dadashev ameaga dunia baada ya pambano lake na Subriel Matias kumsababishia majeraha makubwa ya ubongo. Dadashev mwenye miaka 28, alishindwa kutembea mwenyewe baada ya pambano hilo ambalo mkufunzi wake Buddy McGirt alilazimisha lisimamishwe katika raundi ya 11 baada ya bondia huyo kupokea kichapo kikali bila majibu. Pambano hilo lilipigwa Ijumaa wiki iliyopita. Na punde tu baada ya pambano Dadashev alikimbizwa hospitali. Madaktari waligundua kuwa damu ilikuwa ikimvuja kwenye ubongo na kufanyiwa upasuaji wa haraka, lakini akafikwa na umauti jana Jumanne. Shirikisho la ndondi la Urusi limesema tayari uchunguzi umeshafuguliwa juu ya mkasa huo. Katibu Mkuu wa shirikisho hilo, Umar Kremlev amedai kuwa kulikuwa na "aina fulani ya uvunjwaji wa taratibu", na kuongeza kuwa: "Tumempoteza Maxim Dadashev. Ilikuwa ni nyota y...

Doria ya pamoja ya Urusi - China yazua tumbo joto Japan na Korea Kusini Korea Kusini ilisema kuwa ndege ya kijeshi ya Urusi aina ya A-50 ilikiuka anga yake mara mbili Urusi inasema kuwa imetekeleza doria yake ya kwanza ya pamoja na China , hatua iliyozifanya Korea Kusini na Japan kutuma ndege za kivita angani. Waziri wa ulinzi nchini Urusi amesema kuwa ndege nne aina ya bombers zikisaidiana na zile za kivita zilipiga doria katika njia ambayo hazikupangiwa kupitia katika maji ya Japan na bahari iliopo mashariki mwa China. Korea Kusini inasema kuwa ndege zake zilirusha makombora ya kutoa onyo wakati ndege za kijeshi za Urusi zilipoingia katika anga yake. Japan imelalamika kwa Urusi na Korea Kusini kwa tukio hilo. Kisa hicho kilitokea juu ya visiwa vinavyozozaniwa vya Dokdo/Takeshima ambavyo vinamilikiwa na Korea Kusini lakini Japan pia inadai kuwa vyake. Korea Kusini inasema kuwa ndege za kijeshi za Urusi na China ziliingia katika anga yake ilio na ulinzi mkali ya KADIZ ...