Maafisa nchini Kenya wamemkamata mkuu wa shirika la huduma kwa vijana NYS kama sehemu ya uchunguzi kuhusu kuibiwa kwa takriban dola milioni 100 katika shirika hilo. Vyombo vya habari vya Kenya vimeripoti kuwa mkurugenzi mkuu wa shirika hilo la huduma kwa vijana NYS Richard Ndubai amekamatwa mapema leo pamoja na maafisa wengine wakiwemo mahasibu na maafisa wanaosimamia ununuzi wa vifaa NYS pamoja na wafanyabiashara waliohusika katika kandarasi na zabuni kadhaa. Mkuu wa idara ya upelelezi amesema watu 17 wamekamatwa ili kuhojiwa kuhusiana na kashfa hiyo ya ufisadi inayoikumba NYS. Mwendesha mkuu wa mashitaka pia amesema mashitaka dhidi ya washukiwa waliotajwa katika kashfa hiyo yataanza mara moja. Hata hivyo majina ya washukiwa hayajatolewa hadharani. Mabilioni yapotea NYS Vituo vya televisheni vya K24 na Citizen vimeripoti kuwa katibu wa kudumu wa wizara ya utumishi kwa umma, vijana na jinsia Lilian Mbogo Omollo amejisalilisha kwa polisi akiwa ameandamana na mawaki...
Machapisho
Dereva wa timu ya Red Bull Daniel Ricciardo, ameibuka mshindi wa mbio za magari duniani 'Formula One' kwenye mji wa Monaco nchini Ufaransa akiwabwaga nguli Lewis Hamilton wa Mercedes na Sebastian Vettel wa Ferrari. Mbio hizo ambazo zimemalizika jioni hii Daniel Ricciardo amefanikiwa kuongoza katika mbio zote kwa mara ya kwanza akianza na mbio za majaribio ambapo alifanya hivyo jana na leo kwenye mbio kuu ameibuka kinara. Nafasi ya pili kwenye mbio za Monaco Grand Prix leo imeshikwa na Sebastian Vettel huku nafasi ya tatu ikishikwa na bingwa mtetezi Lewis Hamilton ambaye alishika namba moja kwenye mbioz za Barcelona GP mwezi uliopita. Baada ya kuongoza leo, Ricciardo sasa amepanda hadi nafasi ya tatu kwenye msimamo wa madereva msimu huu, akifikisha alama 72 kwenye mbio 7 ambazo tayari zimeshafanyika. Nafasi ya kwanza bado inashikiliwa na Lewis Hamilton akiwa na alama 110 huku nafasi ya pili akiendelea kuwepo Sebastian Vettel akiwa na alama 96. Mbio zinazofuata ni ka...
Beki wa Mabingwa wa Kombe la UEFA Champions League, Sergio Ramos amesema kuwa hakudhamiria kumuumiza mshambuliaji wa Liverpol, Mohamed Salah katika mchezo wao wa fainali uliochezwa usiku wa kumkia leo. Ramos ameeleza hayo kupitia ukurasa wake maalum wa kijamii baada ya mamia ya mashabiki wa soka ulimwenguni kumlaumu mchezaji huyo kuwa alikusudia kimakusudi kumfanyia madhambi mwenzake kwa kuwa kile kilichoonekana sio cha kawaida. "Muda mwingine mchezo wa mpira wa miguu unakuonyesha upande wako uliokuwa mzuri na muda mwingine vilevile unakuonyesha upande mbaya. Zaidi ya yote sisi ni wamoja. Nakuombea upone mapema Salah", ameandika Sergio Ramos. Salah aliumizwa na mlinzi wa Real Madrid Sergio Ramos na kutolewa dakika ya 31 baada ya kushindwa kuendelea na mchezo ambapo timu hizo zilikuwa bado hazijafungana. Baada ya Salah kutoka Real Madrid walifanikiwa kushinda kipindi cha pili kwa mabao 3-1 na kutwaa ubingwa wa 13 na wa taatu mfululizo chini ya kocha Zinedine Zidan...
Wafuasi 5,000 wa chama mbadala kwa Ujerumani (AfD) wameandamana mjini Berlin Jumapili, lakini idadi hiyo ilikuwa ndogo ikilinganishwa na walioandama kuipinga AfD. Maelfu ya watu wameandamana Jumapili katika mji mkuu wa Ujerumani Berlin. Ni maandamano yanayohusisha pande mbili tofauti. Upande wa wafuasi wa chama cha siasa kali za mrengo wa kulia kinachojiita chama mbadala kwa Ujerumani AfD, kinachopinga uhamiaji pamoja na Uislamu. Na waandamanaji wanaoipinga AfD wakitumia kauli mbiu ya "Wacha chuki.” Maafisa zaidi wa polisi walishika doria kutenganisha pande hizo mbili za waandamanaji ili kuepusha vurugu. Katika ukurasa wao wa Twitter, idara ya polisi imesema wametumia kemikali ya pilipili ya kutoa machozi kuwazuia waandamanaji wasivunje mpaka uliowekwa kuwatenganisha. Beatrix von Storch, mwanachama muhimu wa AfD, amewaambia wafuasi wapatao 2,000 waliokusanyika katika maandamano hayo kwamba mchezaji soka wa timu ya taifa ya Ujerumani Mesut Ozil licha ya kuwa na uraia wa Ujerumani ...
Katibu wa Halmashauri Kuu Itikadi na Uenezi ya Chama Cha Mapinduzi (CCM), Humphrey PolePole amefunguka na kudai hajapokea taarifa zozote za kujiuzulu Katibu mkuu Taifa wa chama hicho, Abdulrahman Kinana kama zinavyoenezwa katika mitandao ya kijamii. Polepole amebainisha hayo wakati alipokuwa anazungumza na eatv.tv alasiri ya leo Mei 27, 2018 baada ya kuenea uvumi katika mitandao ya kijamii kuwa ndg. Abdulrahman Kinana ameandika barua rasmi ya kujiuzuli nyadhfa zake anazozishikilia ndani ya CCM. "Taarifa kama hiyo huwa haitokagi kienyeji bali hutoka nje baada ya vikao kufanyika. Mimi ni mtu mdogo kwenye chama cha Mapinduzi kuelewa jambo kama hilo nje ya vikao. Ninachojua mimi Katibu Mkuu hajaniambia habari yoyote kuhusu kujiuzulu", amesema Polepole Msikilize hapa chini Katibu wa Halmashauri Kuu Itikadi na Uenezi ya Chama Cha Mapinduzi (CCM) Humphrey PolePole akitoa ufafanuzi kamili juu ya tukio hilo
Rais wa Korea Kusini Moon Jae-in amesema kiongozi wa Korea Kaskazini Kim Jong Un ataondoa silaha za nyuklia katika rasi ya Korea na kuhudhuria mkutano wa Singapore Juni 12 wa kukutana na Rais wa Marekani Donald Trump. Katika mkutano wa ghafla wa Jumamosi, Moon na Kim wamekubaliana kwamba mkutano kati ya Marekani na Korea Kaskazini lazima ufanyike, kama Moon alivyosema katika mkutano wake na waandishi habari, mjini Seoul. "Mimi na mwenyekiti Kim tumekubaliana kwamba mkutano wa kilele wa Juni 12 lazima ufanyike kwa ufanisi, na jitihada yetu ya kupatikana rasi ya Korea isiyo na silaha za nyuklia, na utawala wa amani wa kudumu haipaswi kusimamishwa," amesema Moon. Rais wa Marekani Donald Trump kwa upande wake ameashiria kwamba maandalizi ya mkutano wa kilele wa Juni 12 yanaendelea, licha ya kuufuta mkutano huo wiki iliyopita. Mkutano huo kati ya viongozi wa Korea mbili ni mabadiliko ya hivi karibuni, katika wiki iliyogubikwa na misukosuko ya kidiplomasia kuhusi...
Baada ya jana Mohamed Salah kuumia kwenye mchezo wa Fainali ya Ligi ya Mabingwa Ulaya kati ya Real Madrid na Liverpool, Daktari wa timu ya taifa ya Misri Dkt. Mohammed Abu Ola amesema nyota huyo ana nafasi kubwa ya kucheza Kombe la Dunia. Dkt. Abu Ola amesema baada ya mchezo aliwasiliana na daktari wa timu ya Liverpool na kumweleza kuwa picha za mionzi (X-ray) zimeonesha bega la Salah limeteguka kwenye mfupa mdogo na matibabu yalianza haraka ili aweze kupona kwa wakati. Kwa mujibu wa Dkt. Abu Ola na daktari wa Liverpool Salah atakuwepo kwenye fainali za Kombe la Dunia. Salah aliumizwa na mlinzi wa Real Madrid Sergio Ramos na kutolewa dakika ya 31 baada ya kushindwa kuendelea na mchezo ambapo timu hizo zilikuwa bado hazijafungana. Baada ya Salah kutoka Real Madrid walifanikiwa kushinda kipindi cha pili kwa mabao 3-1 na kutwaa ubingwa wa 13 na wa taatu mfululizo chini ya kocha Zinedine Zidane ambaye pia ni mchezaji wa zamani wa timu hiyo. Mabao ya Real Madrid yalifungwa ...