Ruka hadi kwenye maudhui makuu

Aanza safari ya kuvuka bahari ya Atlantiki kwa kutumia pipa



Jean-Jacques Savin: Raia wa Ufaransa


Jean-Jacques Savin ametumia miezi kadhaa kutengeneza pipa hilo katika chelezo kimoja kusini magharibi mwa Ufaransa

Bwana mmoja raia wa Ufaransa ameanza safari ya kuvuka bahari ya pili kwa ukubwa duniani, Atlantiki, kwa kutumia pipa kubwa aliloliunda mwenyewe.

Jean-Jacques Savin, mwenye miaka 71, ameanzia safari hiyo kutoka mji wa El Hierro uliopo kwenye visiwa vya Canary nchini Uhispania na anataraji kufika visiwa vya Caribbean ndani ya miezi mitatu.

Pipa hilo linategemea nguvu ya msukumo ya mawimbi pekee kufanikisha safari. Ndani ya pipa hilo kuna sehemu ya kulala, jiko na stoo ya kuhifadhi vitu.


Bwana Savin pia atakuwa anaweka alama katika safari yake ili kuwawezesha wataalamu wa bahari kuyafanyia tafiti zaid mawimbi ya bahari ya Atlantiki.

Taarifa zote kuhusu mwenendo wa safari hiyo zinawekwa kwenye ukurasa maalumu wa mtandao wa Facebook na ujumbe wa mwisho umeeleza kuwa pipa lilikuwa linaenda vizuri.

Katika mahojiano kwa njia ya simu na shirika la habari la AFP amesema: "Hali ya hewa ni nzuri...naenda kwa kasi ya kilomita mbili mpaka tatu kwa saa...utabiri wa upepo ni mzuri kwangu mpaka siku ya Jumapili."


Pipa hilo lina sehemu ya kulala na jiko.

Bw Savin ni mwanajeshi mstaafu aliyekuwa akiruka kwa parashuti (askari wa mwamvuli) na pia ameshawahi kufanya kazi kama mlinzi wa mbuga na rubani.

Safari yake inakadiriwa kuwa na umbali wa kilomita 4,500 (maili 2,800) na pipa alitumialo lina urefu wa mita tatu na upana wa mita 2.10.

Kuna tundu lililozibwa na kioo kwa chini linalomuwezesha bw Savin kuona samaki wapitao.

Pipa hilo limetengenezwa kwa umadhubuti kupambana na mawimbi makali na mashambulizi kutoka kwa nyangumi aina ya okra. Pia inatumia umeme wa nguvu ya jua kwa ajili ya mawasiliano na mfumo wa kuweka alama wa kiramani ufahamikao kama GPS.


Bajeti nzima ilikuwa Euro 60,000 na kwa kiasi kikubwa alichangisha kutoka kwa watu.

"Labda (nitafikia) Barbados, japo ningependelea iwe kisiwa cha Kifaransa kama vile Martinique ama Guadaloupe," alisema kwa utani.

"Hiyo itakuwa rahisi sana kwangu kukamilisha kujaza nyaraka na kulisafirisha pipa kurudi nyumbani."

Bw Savarin ameweka kwenye stoo yake mvinyo mweupe kwa ajili ya kusherehekea Mkesha wa Mwaka Mpya na mvinyo mwekundu kwa ajili ya kusherehekea kumbukumbu yake ya miaka 72 ya kuzaliwa Januari 14

Lebo:

Maoni

Chapisha Maoni

Machapisho maarufu kutoka blogu hii

Urusi: Vikwazo dhidi ya Korea Kaskazini havitafua dafu

MTEULE THE BEST Image caption Waziri wa maswala ya kigeni nchini Urusi Sergei Lavrov na mwenzeka wa Marekani Rex Tillerson Waziri wa maswala ya kigeni nchini Urusi Segei Lavrov amemwambia waziri wa ulinzi nchini Marekani Rex Tillerson kwamba kuiwekea vikwazo zaidi Korea Kaskazini hakutafua dafu. Taarifa iliochapishwa na wizara ya kigeni nchini Urusi inasema kuwa wawili hao walizungumza kwa njia ya simu na kushutumu majaribio ya makombora ya hivi karibuni yaliotekelezwa na Pyongyang . Lakini inasema kuwa bwana Lavrov alisisitiza kwamba diplomasia ndio njia ya pekee ya kumaliza wasiwasi katika rasi ya Korea, na kutaka hatua zozote dhidi ya taifa hilo kusitishwa akionya huenda zikasababisha madhara yasiojulikana. Waziri wa ulinzi nchini Marekani amesisitiza kuwa bado kuna fursa ya kidiplomasia katika kukabiliana na Korea Kaskazini. Mapema rais Trump alichapisha ujumbe katika akaunti yake ya Twitter akisema mazungumzo sio suluhisho.
Chapisha Maoni
mteule the best »

*DKT. MAGUFULI, MNANGAGWA WAWEKA HISTORIA MPYA*

Rais wa Zimbabwe, Emerson Mnangagwa na Rais wa Jamhuri ya Muungano wa Tanzania, Dkt. John Pombe Magufuli Rais wa Zimbabwe, Emerson Mnangagwa na Rais wa Jamhuri ya Muungano wa Tanzania, Dkt. John Pombe Magufuli wameweka historia mpya kwa kukubaliana kushirikiana kwenye maeneo makuu matatu yenye tija pande zote. *Kwanza*, *Kuimarisha uchumi* wa nchi hizi mbili kwa kukuza uwekezaji na biashara ambao umeanza kuonesha matunda makubwa. Mathalani, katika eneo la biashara kumeonyesha mafanikio makubwa kila mwaka. Mfano mwaka 2016 biashara kati ya Tanzania na Zimbabwe ilikuwa ni Tsh. Bilioni 18.3. Mwaka 2017 biashara ilikuwa Tsh. Bilioni 21.1. *Pili*; *kushirikiana* vyema kwenye masuala ya *utalii* kwa kutumia wingi wa vivutio vya utalii kama vile mbuga za wanyama, fukwe, maeneo ya kihistoria pamoja na Mlima Kilimanjaro. *Tatu*; Kushirikiana na kuimarisha eneo la *huduma za kijamii* zikiwemo afya, utamaduni, elimu na kukuza lugha ya kiswahili ambapo Tanzania ina Waalimu wa kutosha na hivyo...
Chapisha Maoni
mteule the best »

MAPENZI: Kuna faida na ni muhimu Mpenzi wako kuwa rafiki yako pia

Kuna faida kubwa kwa wapenzi kuwa marafiki KUTOKANA na mila mbalimbali, baadhi ya watu wamekuwa wakiamini kwamba mwanamke ni daraja la pili. Daraja la kwanza na lenye kuthaminiwa ni mwanaume. Yaani mwanamke hana kauli kwa mwanaume. Anakuwa kama mtumwa fulani hivi.  Mwanaume akiongea, basi ni maelekezo kama vile rais wa nchi anavyotoa maelekezo kwa watu walio chini yake. Hakuna wa kupinga. Akisema sitaki kitu fulani kifanyike, basi ni mpaka atakapotoa maelekezo mengine. Vinginevyo, maelekezo ya awali yatabaki kusimama kama sheria.  Wapo baadhi ya wanawake wanaofurahia aina hii ya uhusiano kwa sababu ya mazoea. Kwamba wamekuzwa hivyo, mwanaume ni mwanaume. Huu ni mfumo ambao watu wengi wamekuwa wakiuishi. Kuna ambao wanakubaliana nao, wengine hawakubaliani nao.  Watu wengi sana wamekuwa wakiishi katika malumbano katika mahusiano yao kutokana na mfumo huu wa maisha. Mwanamke hataki kuishi kama mtumwa, mume anakomaa kuonesha uanaume wake. Hakuna anayekubali kushuka,...
Chapisha Maoni
mteule the best »