Ruka hadi kwenye maudhui makuu

Uturuki imepokea shehena ya kwanza ya makombora ya Kirusi ya S-400 licha ya upinzani mkali kutoka Marekani

Makombora ya Kirusi yawasili Uturuki licha ya vikwazo vya Marekani




Makombora ya S-400 ni moja ya zana hatari zaidi za kutungua ndege angani

Uturuki imepokea shehena ya kwanza ya makombora ya Kirusi ya S-400 licha ya upinzani mkali kutoka Marekani.


Shehena hiyo imepokelewa katika uwanja wa ndege wa jeshi leo Ijumaa kwenye mji mkuu wa nchi hiyo, Ankara.

Hatua hiyo ya Uturuki kwa hakika itaikasirisha Marekani ambayo tarayi imeshaonya kuwa nchi hiyo haiwezi kumiliki zana za kijeshi za Urusi na Marekani kwa pamoja.

Makombora ya S-400 kutoka Urusi ni ya kujilinda na ndege vita, na wakati hu huo Uturuki imewekeza vilivyo katika ununuzi wa ndege vita aina ya F-35 kutoka Marekani.



Mzozo unatoka wapi?

Uturuki imeshasaini mkataba wa kununua ndege vita 100 aina ya F-35 kutoka Marekani.

Pia kampuni za Kituruki zinatengeneza takribani vipuri 937 vya aina hiyo ya ndege.

Uturuki na Marekani zote ni nchi wananchama wa Umoja wa Kujihami wa Nato, ambapo Urusi yaonekana ni adui mkuu wa umoja huo.

Hata hivyo, Uturuki imekuwa ikionekana kuwa na msimamo huru katika masuala ya ulinzi, kutokana na kuwa na uhusiano wa mashaka baina ya washirika wake wa Ulaya na Marekani.

Imenunua mfumo huo wa makombora ya S-400 kwa dola 2.5 bilioni, na kutuma maafisa wake nchini Urusi kwa mafunzo ya kutumia makombora hayo.


Marekani haitaki Uturuki imiliki makombora ya Kirusi ili kulinda ndege zake aina ya F 35

Hata hivyo, maafisa wa Marekani hawataki kabisa ndege zao aina ya F-35 kuwa karibu na makombora ya S-400 - wakihofia wataalamu wa kirusi wataweza kung'amua mapungufu ya ndege hizo.

Marekani imeenda mbali kwa kutishia kuitoa Uturuki kwenye mpango wa kuendeleza na manunuzi ya F-35 na kuiwekea nchi hiyo vikwazo vya kiuchumi.

Uturuki hata hivyo inasema mifumo hiyo ya Urusi na Marekani itawekwa kwenye maeneo tofauti.

Rais wa Uturuki Recep Tayyip Erdogan amesema baada ya kukutana na rais wa Marekani Donald Trump kuwa haamini kama watawekewa vikwazo.

Lakini tayari Marekani imeshasitisha kutoa mafunzo kwa marubani wa Kituruki, na yaonekana kuwa jeshi la Marekani halina mzaha katika hilo.

Erdogan anacheza kamari kuwa Trump hana upinzani juu ya makombora hayo kama ilivyo kwa maafisa wa jeshi wa Pentagon.

Kwa hakika huu ni mwanzo wa mgogoro mpya wa kidiplomasia na ulinzi baina ya Ankara na Washington.

Makombora ya S-400 yanafanya vipi kazi?

Rada ya masafa marefu ambayo huchunguza ndege zikatizapo kwenye anga la karibu


Gari maalum lenye vifaa vya kubaini adui na kutoa maelekezo ya shambulizi


Amri ya makombora kuachiwa hutolewa kidijitali na makombora huruka kwa haraka


Rada inayoelekeza makombora kiufasaha kushambulia adui


Lebo:

Maoni

Chapisha Maoni

Machapisho maarufu kutoka blogu hii

Urusi: Vikwazo dhidi ya Korea Kaskazini havitafua dafu

MTEULE THE BEST Image caption Waziri wa maswala ya kigeni nchini Urusi Sergei Lavrov na mwenzeka wa Marekani Rex Tillerson Waziri wa maswala ya kigeni nchini Urusi Segei Lavrov amemwambia waziri wa ulinzi nchini Marekani Rex Tillerson kwamba kuiwekea vikwazo zaidi Korea Kaskazini hakutafua dafu. Taarifa iliochapishwa na wizara ya kigeni nchini Urusi inasema kuwa wawili hao walizungumza kwa njia ya simu na kushutumu majaribio ya makombora ya hivi karibuni yaliotekelezwa na Pyongyang . Lakini inasema kuwa bwana Lavrov alisisitiza kwamba diplomasia ndio njia ya pekee ya kumaliza wasiwasi katika rasi ya Korea, na kutaka hatua zozote dhidi ya taifa hilo kusitishwa akionya huenda zikasababisha madhara yasiojulikana. Waziri wa ulinzi nchini Marekani amesisitiza kuwa bado kuna fursa ya kidiplomasia katika kukabiliana na Korea Kaskazini. Mapema rais Trump alichapisha ujumbe katika akaunti yake ya Twitter akisema mazungumzo sio suluhisho.
Chapisha Maoni
mteule the best »

*DKT. MAGUFULI, MNANGAGWA WAWEKA HISTORIA MPYA*

Rais wa Zimbabwe, Emerson Mnangagwa na Rais wa Jamhuri ya Muungano wa Tanzania, Dkt. John Pombe Magufuli Rais wa Zimbabwe, Emerson Mnangagwa na Rais wa Jamhuri ya Muungano wa Tanzania, Dkt. John Pombe Magufuli wameweka historia mpya kwa kukubaliana kushirikiana kwenye maeneo makuu matatu yenye tija pande zote. *Kwanza*, *Kuimarisha uchumi* wa nchi hizi mbili kwa kukuza uwekezaji na biashara ambao umeanza kuonesha matunda makubwa. Mathalani, katika eneo la biashara kumeonyesha mafanikio makubwa kila mwaka. Mfano mwaka 2016 biashara kati ya Tanzania na Zimbabwe ilikuwa ni Tsh. Bilioni 18.3. Mwaka 2017 biashara ilikuwa Tsh. Bilioni 21.1. *Pili*; *kushirikiana* vyema kwenye masuala ya *utalii* kwa kutumia wingi wa vivutio vya utalii kama vile mbuga za wanyama, fukwe, maeneo ya kihistoria pamoja na Mlima Kilimanjaro. *Tatu*; Kushirikiana na kuimarisha eneo la *huduma za kijamii* zikiwemo afya, utamaduni, elimu na kukuza lugha ya kiswahili ambapo Tanzania ina Waalimu wa kutosha na hivyo...
Chapisha Maoni
mteule the best »

MAPENZI: Kuna faida na ni muhimu Mpenzi wako kuwa rafiki yako pia

Kuna faida kubwa kwa wapenzi kuwa marafiki KUTOKANA na mila mbalimbali, baadhi ya watu wamekuwa wakiamini kwamba mwanamke ni daraja la pili. Daraja la kwanza na lenye kuthaminiwa ni mwanaume. Yaani mwanamke hana kauli kwa mwanaume. Anakuwa kama mtumwa fulani hivi.  Mwanaume akiongea, basi ni maelekezo kama vile rais wa nchi anavyotoa maelekezo kwa watu walio chini yake. Hakuna wa kupinga. Akisema sitaki kitu fulani kifanyike, basi ni mpaka atakapotoa maelekezo mengine. Vinginevyo, maelekezo ya awali yatabaki kusimama kama sheria.  Wapo baadhi ya wanawake wanaofurahia aina hii ya uhusiano kwa sababu ya mazoea. Kwamba wamekuzwa hivyo, mwanaume ni mwanaume. Huu ni mfumo ambao watu wengi wamekuwa wakiuishi. Kuna ambao wanakubaliana nao, wengine hawakubaliani nao.  Watu wengi sana wamekuwa wakiishi katika malumbano katika mahusiano yao kutokana na mfumo huu wa maisha. Mwanamke hataki kuishi kama mtumwa, mume anakomaa kuonesha uanaume wake. Hakuna anayekubali kushuka,...
Chapisha Maoni
mteule the best »