Ruka hadi kwenye maudhui makuu

MAMBO YANAYOKWAMISHA "NDOA"

MTEULE THE BEST

 



MAMBO YANAYOKWAMISHA "NDOA" NYINGI NA KUACHA VILIO,...YAEPUKE MNO
Ndoa siku hizi zimekua kama fashion yaan watu wanazikimbilia kwa kukurupuka kisa michango ya harusi, kuiga n. k ila ukweli unabaki hakika yafuatayo yanawaponza mno wanandoa wengi nchini:
1: Wahusika kuingia katika ndoa pasipo kuwa na ufahamu juu ya ndoa. Wengi huingia kwa kufuata mazoea tu kwamba, umri fulani ukifika basi huwa ni wakati wa kuoa au kuolewa. Wengine huingia kwenye ndoa ili kujionyesha kwa jamii tu kwa kuwa na sherehe ya harusi ya kifahari. Watu hao utawagundua mapema tu, maana husisitiza sana juu ya sherehe za kifahari maana hawana future na wewe, hata kukopa kwa ajili ya sherehe wako tayari.
2: Kukosa mifano mizuri ya namna ya kuendesha ndoa imara yenye furaha katika jamii, hususani kutoka kwa wazazi wao. Wazazi wenyewe wamekuwa si mfano mzuri juu ya ndoa bora. Wazazi kuwa ndoa zenye migogoro isiyoisha, imekuwa mafundisho mabaya kwa watoto wao. Kama baba hupiga mke wake, ni wazi kuwa mtoto wake pia ataishi kwa kupiga mkewe maana hivyo ndivyo alivyoaminishwa na wazazi wake.
3: Uvivu wa kujifunza kwa wanandoa nayo imekuwa tatizo kubwa juu ya ustawi wa ndoa. Kumbe wanandoa wanatakiwa kusoma vitabu vizungumziavyo juu ya ndoa, hususani Biblia na vitabu vingine vizuri vifundishavyo juu ya ndoa, kuhudhuria semina za ndoa mara kwa mara na makongamano ya wanandoa tofauti tofauti.
4: Utandawazi. Hii nayo ni changamoto kubwa kabisa kwenye ustawi wa ndoa kwa mfano, 50/50 inayopigiwa chapuo na wanasiasa wanawake na wanaharakati na kumbe si hitaji la mwanamke halisi (mwanamke wa kawaida). Watu hawa wanaopigia debe hii mambo ya 50/50 wana interest zao. Na hivyo, wamekuwa wakiwachanganya wanawake walioko kwenye ndoa.
5: Kuingia kwenye ndoa kwa lengo la kwenda kutumikiwa na siyo kutumika. Ni tatizo kubwa mno kuoa au kuolewa ukiwa na mtazamo kuwa huyo mwenzi wako ndiyo anakuwa mtumwa wako.
6: Kumlazimisha mwenzi wako awe kama unavyofikiria huku ukisahau kuwa kila mtu ameumbwa kwa kusudi fulani maalumu.
7: Kukosa roho ya toba na kusameheana. Ni tatizo kubwa kwamba kizazi kimekuwa kikaidi. Kila mmoja hujihesabia haki, na hivyo kukosa mwenye kuomba msamaha kila mgogoro utokeapo.
8: Mila na desturi nazo ni tatizo hasa wanandoa wanapokuwa wametoka katika malezi tofauti au mila tofauti na bila wao kuwa na uelewa kuwa wanatakiwa kuachilia yale waliyojifunza nyuma ili kuweza kuendandana na wenzi wao.
9: Kukosa commitment juu ya kuwa na ndoa imara, ndoa yenye ushuhuda, ndoa inayomtukuza Mungu. Wengi huishi maisha ya unafiki, wakiwa ndani hawana maelewano hata vitanda wameachanisha, lakini wakiwa nje utadhani hawana mgogoro. Bwana Yesu asifiwe nyingi sana!!
10: Kuamini kuwa ndoa ni kuvumilia hata kama hamna maelewano. Jamii imekuwa ikiaminishwa kuwa ndoa ina shida nyingi hivyo, dawa yake ni kuvumilia msitengane hata kama karibu muuwane. Lakini kumbe ndoa ni maelewano siyo kuvumilia kwa unafiki. Kuvumiliana kupo lakini isipewe kipaumbele inapotosha, maelewano yapewe kipaumbele. Tafuteni kuelewana siyo kuvumiliana. Unakuta mama anasema nipo tu kwa ajili ya watoto wangu na kulinda heshima yangu kwa jamii, kwa nini msitafute suluhu!
11: Ushauri mbaya toka kwa marafiki na jamii kwa ujumla. Kwa mfano, mwanaume kushauriwa kuwa haifai kumuomba msamaha mwanamke hata kama amekosea, eti kwa madai kuwa akifanya hivyo mwanamke atamuona dhaifu! Mwanamke kushauriwa kuwa mwanaume akikukosea dawa yake ni kumnyima unyumba.
Lakini naomba nikuambie kuwa, mwanaume halisi huomba msamaha mapema sana mara tu agunduapo amemkosea mkewe, huyo ndiyo mwanaume halisi. Mwanamke kamwe, kamwe hapa duniani usithubutu kutumia unyumba kama fimbo kwa mumeo, kamwe!
Nakutakia kila la kheri iwapo upo katika ndoa au unatarajia kuingia katika ndoa, Mungu akubariki na kukuongoza. Kumbuka ni bora kukosea kujenga nyumba kuliko kukosea kuoa au kuolewa na mtu asiye sahihi UTAJUTIA MNO
Kama umeipenda SHARE na marafiki

 

Maoni

Chapisha Maoni

Machapisho maarufu kutoka blogu hii

MAPENZI: Kuna faida na ni muhimu Mpenzi wako kuwa rafiki yako pia

Kuna faida kubwa kwa wapenzi kuwa marafiki KUTOKANA na mila mbalimbali, baadhi ya watu wamekuwa wakiamini kwamba mwanamke ni daraja la pili. Daraja la kwanza na lenye kuthaminiwa ni mwanaume. Yaani mwanamke hana kauli kwa mwanaume. Anakuwa kama mtumwa fulani hivi.  Mwanaume akiongea, basi ni maelekezo kama vile rais wa nchi anavyotoa maelekezo kwa watu walio chini yake. Hakuna wa kupinga. Akisema sitaki kitu fulani kifanyike, basi ni mpaka atakapotoa maelekezo mengine. Vinginevyo, maelekezo ya awali yatabaki kusimama kama sheria.  Wapo baadhi ya wanawake wanaofurahia aina hii ya uhusiano kwa sababu ya mazoea. Kwamba wamekuzwa hivyo, mwanaume ni mwanaume. Huu ni mfumo ambao watu wengi wamekuwa wakiuishi. Kuna ambao wanakubaliana nao, wengine hawakubaliani nao.  Watu wengi sana wamekuwa wakiishi katika malumbano katika mahusiano yao kutokana na mfumo huu wa maisha. Mwanamke hataki kuishi kama mtumwa, mume anakomaa kuonesha uanaume wake. Hakuna anayekubali kushuka,...
Chapisha Maoni
mteule the best Ā»

Urusi: Vikwazo dhidi ya Korea Kaskazini havitafua dafu

MTEULE THE BEST Image caption Waziri wa maswala ya kigeni nchini Urusi Sergei Lavrov na mwenzeka wa Marekani Rex Tillerson Waziri wa maswala ya kigeni nchini Urusi Segei Lavrov amemwambia waziri wa ulinzi nchini Marekani Rex Tillerson kwamba kuiwekea vikwazo zaidi Korea Kaskazini hakutafua dafu. Taarifa iliochapishwa na wizara ya kigeni nchini Urusi inasema kuwa wawili hao walizungumza kwa njia ya simu na kushutumu majaribio ya makombora ya hivi karibuni yaliotekelezwa na Pyongyang . Lakini inasema kuwa bwana Lavrov alisisitiza kwamba diplomasia ndio njia ya pekee ya kumaliza wasiwasi katika rasi ya Korea, na kutaka hatua zozote dhidi ya taifa hilo kusitishwa akionya huenda zikasababisha madhara yasiojulikana. Waziri wa ulinzi nchini Marekani amesisitiza kuwa bado kuna fursa ya kidiplomasia katika kukabiliana na Korea Kaskazini. Mapema rais Trump alichapisha ujumbe katika akaunti yake ya Twitter akisema mazungumzo sio suluhisho.
Chapisha Maoni
mteule the best Ā»

Fuvu la binadamu wa kale liligunduliwa miaka 60 iliyopita nchini Tanzania

Fuvu la binadamu wa kale liligunduliwa miaka 60 iliyopita nchini Tanzania Miaka 60 siku kama ya leo ugunduzi mkubwa ulifanyika katika eneo la Olduvai Gorge, kwenye kreta ya Ngorongoro. Wanaakiolojia Louis na Mary Leakey waligundua fuvu la mtu anayeaminika kuwa ni wa kale zaidi waliyompa jina la Zinjanthropus. Ugunduzi huo uliofanyika saa nne asubuhi Julai 22, 1959 kipindi hicho kwenye eneo la Tanganyika ulikuwa wa vipande zaidi ya 100 ukasaidia katika kutambua asili ya watu wa awali duniani. Kabla ya ugunduzi huo, wanasayansi na wanahistoria walikuwa wakiamini kuwa binadamu wa kale walitokea Uchina baada ya ugunduzi wa mafuvu ya kale baina ya 1923 na 1927 nchini humo ya Homo eractus, ama maarufu kama Peking Man. Mafuvu hayo ya Uchina yalikuwa na umri wa takribani miaka 750,000. Mafuvu ya Olduvai eneo ambalo kwa sasa lipo Tanzania wakati wa ugunduzi wake lilikuwa na umri wa takribani miaka milioni 1.75, na hakuna mabaki ya mtu wa kale zaidi ambayo mpaka sasa yamegundul...
Chapisha Maoni
mteule the best Ā»