Ruka hadi kwenye maudhui makuu

Siri za Malasusa kumega kanisa zavuja

MTEULE THE BEST




ASKOFU Mkuu wa Kanisa la Kiinjili la Kilutheli Tanzania (KKKT), Dayosisi ya Mashariki na Pwani (DMP), ameshindwa kujisafisha dhidi ya tuhuma kuwa amezini na mchungaji wake, 
Askofu Dk. Alex Malasusa, anatuhumiwa anatuhumiwa kujihusisha kimapenzi na mchungaji wa kanisa hilo ambaye ni mke wa mtu, Leita Ngowi.
Akizungumza kwenye mkutano wa Jumuiya ya Kikristo Tanzania (CCT), mjini Dodoma, Alhamisi wiki hii, Askofu Dk. Malasusa ameishia kusema, “kuchafuliwa kwangu ni vita maalum ya watu wa Kaskazini wakiongozwa na maaskofu wao.”
Amesema, chanzo cha kuchafuliwa kwake kunatokana na hatua yake ya kukataa kumuunga mkono aliyekuwa mgombea wa urais UKAWA, waziri mkuu mstaafu, Edward Lowassa.
Alisema, “unajua wenzetu kule Kaskazini wote ni UKAWA. Sasa mimi nilikataa upuuzi huo wakanichukia.”
Mtoa taarifa wa gazeti hili amesema, kabla ya kwenda Dodoma, Askofu Dk. Malasusa alinukuliwa akisema, jitihada za kumchafua zinaendeshwa na baadhi ya viongozi serikalini na ndani ya kanisa.
Anasema, baadhi ya maaskofu wenzake wa kanisa hilo, hasa wale wanaotoka ukanda wa Kaskazini, walipomuona anaunga mkono John Pombe Magufuli, aliyekuwa mgombea urais kupitia CCM, waliamua kumshtaki kwa Reginald Mengi na Lowassa.
Aidha, Askofu Dk. Malasusa alimtuhumu maaskofu wengine wa Kanda ya ziwa Victoria, akiwamo Askofu mmoja (jina linahifadhiwa), kuwa ndiye kinara wa yeye kuchafuliwa.
Anasema, Askofu huyo ambaye anaonekana kuwa na nguvu ndani ya kanisa hilo amekuwa na chuki binafsi dhidi yake.
Kuibuka kwa Askofu Dk. Malasusa, kutuhumu maaskofu na viongozi wengine wa kisiasa nchini, kumekuja wiki moja baada ya Mchungaji Leita kunusurika kifo.
Mchungaji huyo anayedaiwa kuwa na uhusiano wa kimapenzi na Askofu Malasusa, alinusurika kifo wiki mbili zilizopita, baada ya jaribio lake la kutaka kujiua kwa kutumia sumu kugonga mwamba.
na Leita Ngowi, mchungaji na mkurugenzi wa idara ya wanawake usharika wa Azania Front, jijini Dar  es Salaam anadaiwa kutaka kujiua baada ya Askofu Malasusa kulazimisha uongozi wa kanisa lake kumpa likizo ya lazima mchungaji wake.
Leita Ngowi, ni mke wa Venance Mwakilima, mkazi wa eneo Vikawe, Bagamoyo, ambaye ni mfanyakazi wa Shule ya Msingi Dunda.
Akizungumza katika mkutano huo wa viongozi wa kiroho, Askofu Dk. Malasusa ametaja maaskofu wawili kutoka ukanda wa Kaskazini, kuwa ndiyo wanaoendesha kampeni za kumchafua.
Anasema, sababu ya maaskofu hao kumchafua inatokana na kukasirishwa na hatua yake ya kuwakatalia kuwa warithi wa nafasi yake ya ukuu  wa kanisa.
Amesema, “tangu kumalizika kwa uchaguzi mkuu wa kanisa letu, maaskofu hao wa Kaskazini wamekuwa wakinichukia; na nilipoona huu uchafu magazetini nilijua kuwa watakuwa ni wahusika wakuu, kwa sababu kila mmoja alitaka kuwa mkuu wa kanisa. Nimekataa.”
Mtoa taarifa anasema, taarifa kuwa Askofu Malasusa anatuhumu watu wa Kaskazini kumchafua, tayari zimetinga kwa mkuu wa sasa wa kanisa hilo, Askofu Dk. Fredrick Shoo; ambapo alilazimika kufanya safari hadi jijini Dar es Salaam kwa lengi la kukutana na Malasusa.
Hata hivyo, Askofu Malasusa aligoma kukutana na mkuu wake, Dk. Shoo kwa madai kuwa hata yeye ni mtuhumiwa kwa sababu ni rafiki wa karibu wa “wabaya” wake.
“Kwa kweli ndugu yangu, Baba Askofu Shoo amelazimika kusafiri hadi Dar es Salaam kukutana na Malasusa ili kuzungumza mambo haya. Lakini ameshindwa kumuona.
“Askofu Malasusa amekataa Dk. Shoo kufika ofisini kwake Luther House; badala ya majadiliano mengi na baadhi ya watu kuingilia, ndipo Askofu Malasusa aliamua kumfuata Askofu Shoo hotelini akiwa ameambatana na mkewe,” ameeleza.
Naye Dk. Shoo ananukuliwa na mtoa taarifa akisema, “…ni kweli nilitaka kuonana na Baba Askofu Malasusa. Lakini alipofika na mkewe hotelini kwangu, nimeshindwa namna ya kusema naye. Nimeishia kumpa pole na akaondoka kwa manunguniko makubwa.” Hakufafanua.


Maoni

Chapisha Maoni

Machapisho maarufu kutoka blogu hii

Urusi: Vikwazo dhidi ya Korea Kaskazini havitafua dafu

MTEULE THE BEST Image caption Waziri wa maswala ya kigeni nchini Urusi Sergei Lavrov na mwenzeka wa Marekani Rex Tillerson Waziri wa maswala ya kigeni nchini Urusi Segei Lavrov amemwambia waziri wa ulinzi nchini Marekani Rex Tillerson kwamba kuiwekea vikwazo zaidi Korea Kaskazini hakutafua dafu. Taarifa iliochapishwa na wizara ya kigeni nchini Urusi inasema kuwa wawili hao walizungumza kwa njia ya simu na kushutumu majaribio ya makombora ya hivi karibuni yaliotekelezwa na Pyongyang . Lakini inasema kuwa bwana Lavrov alisisitiza kwamba diplomasia ndio njia ya pekee ya kumaliza wasiwasi katika rasi ya Korea, na kutaka hatua zozote dhidi ya taifa hilo kusitishwa akionya huenda zikasababisha madhara yasiojulikana. Waziri wa ulinzi nchini Marekani amesisitiza kuwa bado kuna fursa ya kidiplomasia katika kukabiliana na Korea Kaskazini. Mapema rais Trump alichapisha ujumbe katika akaunti yake ya Twitter akisema mazungumzo sio suluhisho.
Chapisha Maoni
mteule the best »

*DKT. MAGUFULI, MNANGAGWA WAWEKA HISTORIA MPYA*

Rais wa Zimbabwe, Emerson Mnangagwa na Rais wa Jamhuri ya Muungano wa Tanzania, Dkt. John Pombe Magufuli Rais wa Zimbabwe, Emerson Mnangagwa na Rais wa Jamhuri ya Muungano wa Tanzania, Dkt. John Pombe Magufuli wameweka historia mpya kwa kukubaliana kushirikiana kwenye maeneo makuu matatu yenye tija pande zote. *Kwanza*, *Kuimarisha uchumi* wa nchi hizi mbili kwa kukuza uwekezaji na biashara ambao umeanza kuonesha matunda makubwa. Mathalani, katika eneo la biashara kumeonyesha mafanikio makubwa kila mwaka. Mfano mwaka 2016 biashara kati ya Tanzania na Zimbabwe ilikuwa ni Tsh. Bilioni 18.3. Mwaka 2017 biashara ilikuwa Tsh. Bilioni 21.1. *Pili*; *kushirikiana* vyema kwenye masuala ya *utalii* kwa kutumia wingi wa vivutio vya utalii kama vile mbuga za wanyama, fukwe, maeneo ya kihistoria pamoja na Mlima Kilimanjaro. *Tatu*; Kushirikiana na kuimarisha eneo la *huduma za kijamii* zikiwemo afya, utamaduni, elimu na kukuza lugha ya kiswahili ambapo Tanzania ina Waalimu wa kutosha na hivyo...
Chapisha Maoni
mteule the best »

MAPENZI: Kuna faida na ni muhimu Mpenzi wako kuwa rafiki yako pia

Kuna faida kubwa kwa wapenzi kuwa marafiki KUTOKANA na mila mbalimbali, baadhi ya watu wamekuwa wakiamini kwamba mwanamke ni daraja la pili. Daraja la kwanza na lenye kuthaminiwa ni mwanaume. Yaani mwanamke hana kauli kwa mwanaume. Anakuwa kama mtumwa fulani hivi.  Mwanaume akiongea, basi ni maelekezo kama vile rais wa nchi anavyotoa maelekezo kwa watu walio chini yake. Hakuna wa kupinga. Akisema sitaki kitu fulani kifanyike, basi ni mpaka atakapotoa maelekezo mengine. Vinginevyo, maelekezo ya awali yatabaki kusimama kama sheria.  Wapo baadhi ya wanawake wanaofurahia aina hii ya uhusiano kwa sababu ya mazoea. Kwamba wamekuzwa hivyo, mwanaume ni mwanaume. Huu ni mfumo ambao watu wengi wamekuwa wakiuishi. Kuna ambao wanakubaliana nao, wengine hawakubaliani nao.  Watu wengi sana wamekuwa wakiishi katika malumbano katika mahusiano yao kutokana na mfumo huu wa maisha. Mwanamke hataki kuishi kama mtumwa, mume anakomaa kuonesha uanaume wake. Hakuna anayekubali kushuka,...
Chapisha Maoni
mteule the best »