Ruka hadi kwenye maudhui makuu

Korea Kusini na Kaskazini zajiandaa kwa mkutano wa kilele

Korea Kusini imesitisha matangazo ya propaganda kwenye eneo la mpaka na  Korea Kaskazini, kabla ya viongozi wa nchi hizo mbili kukutana kwa mazungumzo yanayotarajiwa kujikita juu ya mpango wa nyuklia wa Korea Kaskazini. 



Licha ya kuwepo matumaini ya Korea Kaskazini kusitisha mpango wake wa kinyuklia, Rais wa Marekani Donald Trump ameonya kuwa bado kuna njia ndefu ya kufikia suluhisho la mzozo wa Korea kaskazini  huku kiongozi huyo wa Marekani akijitayarisha kwa mkutano wa kihisitoria na kiongozi wa Korea Kaskazini Kim Jong Un.


Korea zachukua hatua za maridhiano

Kama sehemu ya ishara ya kujitayarisha kwa mazungumzo ya maridhiano kati ya Korea Kusini na Korea Kaskazini ambayo ni ya tatu ya aina hiyo tangu kukamalizika vita vya Korea vilivyodumu kati ya mwaka 1950 hadi 1953, Korea Kusini imezima matangazo ya propaganda yanayotangazwa kupitia vipaza sauti katika eneo la mpakani.

Kiongozi wa Korea Kaskazini Kim Jong Un

Korea Kusini ilikuwa  ikitangaza habari, ujumbe wa kuikashifu Korea Kaskazini na kupiga nyimbo kupitia vipaza sauti lakini taarifa ya Wizara ya ulinzi ya Korea Kusini imesema imesitisha matangazo hayo, kujaribu kupunguza mvutano wa kijeshi na kuweka mazingira bora kwa mazungumzo ya amani. Haijulikani kama baada ya mkutano huo wa Ijumaa, vipaza sauti vitawashwa tena.

Korea Kaskazini pia hutangaza taarifa na nyimbo mipakani lakini haijabainika iwapo nayo imezima vipaza sauti vyake.

Wachambuzi wanafuatilia umuhimu wa hatua kadha wa kadha zilizochukuliwa na Korea Kaskazini tangu mwaka huu uanze ikiwemo kutangaza kuwa tayari kufanya mazungumzo na Marekani na mahasimu wao Korea Kusini pamoja na mwishoni mwa juma lililopita kutangaza kuwa itasitisha mpango wake wa kinyuklia, baada ya kuwekewa vikwazo chungu nzima na jumuiya ya kimataifa na kusababisha hali ya taharuki katika rasi ya Korea.

Je, Korea Kaskazini itaachana kabisa na silaha za nyuklia?

Rais wa Korea Kusini Moon Jae-in leo ameipongeza hatua ya Korea Kaskazini kuahidi kusitisha majaribio ya silaha za kinyuklia na kuitaja hatua hiyo kuwa uamuzi muhimu utakaopelekea rasi ya Korea kuwa huru dhidi ya kitisho cha silaha za nyuklia.

Rais wa Marekani Donald Trump na wa Korea Kusini Moon Jae In

Moon anatarajiwa kukutana na Kim Ijumaa hii katika kijiji cha Panmunjom, eneo la mpakani kati ya nchi hizo na ambalo lina usalama mkali.

Itakuwa mara ya kwanza kwa Kim kukanyaga ardhi ya Korea Kusini tangu kuwa kiongozi wa Korea Kaskzini. Mikutano iliyopita kati ya Korea hizo mbili ilifanyika Pyongyang mwaka 2000 na 2007.

Mahusiano kati ya nchi hizo mbili yameimarika katika kipindi cha miezi ya hivi karibuni kuanzia wakati Korea Kaskazini iliposhiriki mashindano ya Olimpiki ya majira ya baridi Korea Kusini mwezi Februari mwaka huu.

Lakini kinachosalia kushuhudiwa ni iwapo Kim kweli ataachana kabisa na mpango wa kutengeza silaha za kinyuklia na kurusha makombora ya masafa marefu yenye uwezo wa kufika Marekani na badala yake kuzingatia zaidi katika kuimarisha uchumi wa taifa lake na kupatikana amani.

Lebo:

Maoni

Chapisha Maoni

Machapisho maarufu kutoka blogu hii

Urusi: Vikwazo dhidi ya Korea Kaskazini havitafua dafu

MTEULE THE BEST Image caption Waziri wa maswala ya kigeni nchini Urusi Sergei Lavrov na mwenzeka wa Marekani Rex Tillerson Waziri wa maswala ya kigeni nchini Urusi Segei Lavrov amemwambia waziri wa ulinzi nchini Marekani Rex Tillerson kwamba kuiwekea vikwazo zaidi Korea Kaskazini hakutafua dafu. Taarifa iliochapishwa na wizara ya kigeni nchini Urusi inasema kuwa wawili hao walizungumza kwa njia ya simu na kushutumu majaribio ya makombora ya hivi karibuni yaliotekelezwa na Pyongyang . Lakini inasema kuwa bwana Lavrov alisisitiza kwamba diplomasia ndio njia ya pekee ya kumaliza wasiwasi katika rasi ya Korea, na kutaka hatua zozote dhidi ya taifa hilo kusitishwa akionya huenda zikasababisha madhara yasiojulikana. Waziri wa ulinzi nchini Marekani amesisitiza kuwa bado kuna fursa ya kidiplomasia katika kukabiliana na Korea Kaskazini. Mapema rais Trump alichapisha ujumbe katika akaunti yake ya Twitter akisema mazungumzo sio suluhisho.
Chapisha Maoni
mteule the best »

*DKT. MAGUFULI, MNANGAGWA WAWEKA HISTORIA MPYA*

Rais wa Zimbabwe, Emerson Mnangagwa na Rais wa Jamhuri ya Muungano wa Tanzania, Dkt. John Pombe Magufuli Rais wa Zimbabwe, Emerson Mnangagwa na Rais wa Jamhuri ya Muungano wa Tanzania, Dkt. John Pombe Magufuli wameweka historia mpya kwa kukubaliana kushirikiana kwenye maeneo makuu matatu yenye tija pande zote. *Kwanza*, *Kuimarisha uchumi* wa nchi hizi mbili kwa kukuza uwekezaji na biashara ambao umeanza kuonesha matunda makubwa. Mathalani, katika eneo la biashara kumeonyesha mafanikio makubwa kila mwaka. Mfano mwaka 2016 biashara kati ya Tanzania na Zimbabwe ilikuwa ni Tsh. Bilioni 18.3. Mwaka 2017 biashara ilikuwa Tsh. Bilioni 21.1. *Pili*; *kushirikiana* vyema kwenye masuala ya *utalii* kwa kutumia wingi wa vivutio vya utalii kama vile mbuga za wanyama, fukwe, maeneo ya kihistoria pamoja na Mlima Kilimanjaro. *Tatu*; Kushirikiana na kuimarisha eneo la *huduma za kijamii* zikiwemo afya, utamaduni, elimu na kukuza lugha ya kiswahili ambapo Tanzania ina Waalimu wa kutosha na hivyo...
Chapisha Maoni
mteule the best »

MAPENZI: Kuna faida na ni muhimu Mpenzi wako kuwa rafiki yako pia

Kuna faida kubwa kwa wapenzi kuwa marafiki KUTOKANA na mila mbalimbali, baadhi ya watu wamekuwa wakiamini kwamba mwanamke ni daraja la pili. Daraja la kwanza na lenye kuthaminiwa ni mwanaume. Yaani mwanamke hana kauli kwa mwanaume. Anakuwa kama mtumwa fulani hivi.  Mwanaume akiongea, basi ni maelekezo kama vile rais wa nchi anavyotoa maelekezo kwa watu walio chini yake. Hakuna wa kupinga. Akisema sitaki kitu fulani kifanyike, basi ni mpaka atakapotoa maelekezo mengine. Vinginevyo, maelekezo ya awali yatabaki kusimama kama sheria.  Wapo baadhi ya wanawake wanaofurahia aina hii ya uhusiano kwa sababu ya mazoea. Kwamba wamekuzwa hivyo, mwanaume ni mwanaume. Huu ni mfumo ambao watu wengi wamekuwa wakiuishi. Kuna ambao wanakubaliana nao, wengine hawakubaliani nao.  Watu wengi sana wamekuwa wakiishi katika malumbano katika mahusiano yao kutokana na mfumo huu wa maisha. Mwanamke hataki kuishi kama mtumwa, mume anakomaa kuonesha uanaume wake. Hakuna anayekubali kushuka,...
Chapisha Maoni
mteule the best »