Ruka hadi kwenye maudhui makuu

Andrea Nahles kuongoza SPD



SPD imemchagua mwanamke kwa mara ya kwanza katika historia yake ya miaka 155 kuwa mwenyekiti. Mivutano iliyopo ndani ya chama hicho ni mzigo mkubwa unaomsubiri kiongozi mpya




Kwa mara ya kwanza katika historia ya miaka 155 ya chama cha Social Democratic SPD nchini Ujerumani kimemchagua mwanamke kukiongoza chama hicho. Katika mkutano maalum wa chama uliofanyika leo Jumapili(22.04.2018) katika mji wa Magharibi mwa Ujerumani wa Wiesbaden wanachama wa SPD wamepiga kura kuchagua kati ya wagombea wawili -Andrea Nahles ambaye ni kiongozi wa chama hicho bungeni au meya wa jiji la Flensburg Simone Lange.


Mshindi wa nafasi ya mwenyekiti wa SPD ana majukumu ya kutuliza mivutano ya ndani ya chama  wakati ambapo chama hicho kinapambana kujiweka katika nafasi nzuri baada ya kupata  kipigo na kuporomoka kufuatia matokeo mabaya ya uchaguzi mkuu uliofanyika mnamo mwezi Septemba mwaka 2017 sambamba na kujengeka upinzani wa wanachama wanaopinga chama hicho kuingia katika serikali ya mseto na wahafidhina wanaoongozwa na kansela Angela Merkel.

Mivutano

Mwanzoni mwa mkutano tawi la vijana la wanachama wa SPD wanaopinga hasa chama hicho kuwa sehemu ya serikali mpya Ujerumani waliwataka wajumbe kumpinga Andrea Nahles. Nahles anaungwa mkono na uongozi wa juu wa SPD  wakati meya Lange mwanachama wa SPD ambaye hana umaarufu anaungwa mkono na wana-SPD sio zaidi ya 100 kati ya wajumbe 7,700.

Takriban wajumbe 600 wa SPD na wanachama 45 wa bodi kuu ya utendaji ya chama hicho wanahaki ya kupiga kura katika mchakato wa leo.Nahles mwenye umri wa miaka 47 amechaguliwa kwa asilimia 66.

Amechaguliwa  kwa matumaini makubwa ya kufufua imani ya wapiga kura kuelekea chama hicho. Ikumbukwe kwamba katika uchaguzi mkuu  uliopita SPD kilipata asilimia 20.5 pekee ya kura,hayo yakiwa ni matokeo mabaya kabisa kuwahi kuonekana katika chama hicho tangu kuungana kwa Ujerumani mbili. Uungwaji mkono wa SPD ulipwaya zaidi wakati kulipozuka mivutano ya ndani kuhusu uundaji serikali ya mseto na Kansela Merkel na matokeo yake chama hicho kilifikia kuporomoka na kupitwa wakati mmoja hata na chama kinachopinga wahamiaji cha AFD(chama mbadala kwa Ujerumani)

Uchunguzi wa maoni nchini Ujerumani uliochapishwa Alhamisi 19.04.2018 umeonesha kwamba wapiga kura asilimia 47 wanamashaka ikiwa kweli Nahles anaweza kukiunganisha chama hicho na kukiondowa katika mivutano. Wakati huohuo uchunguzi wa maoni pia unaonesha ni asilimia 17 ya wajerumani wanaimani na chama cha SPD wakati asilimia 32 wanaunga mkono kundi la Kansela Merkel la vyama ndugu vya kihafidhina CDU/CSU

Lebo:

Maoni

Chapisha Maoni

Machapisho maarufu kutoka blogu hii

Urusi: Vikwazo dhidi ya Korea Kaskazini havitafua dafu

MTEULE THE BEST Image caption Waziri wa maswala ya kigeni nchini Urusi Sergei Lavrov na mwenzeka wa Marekani Rex Tillerson Waziri wa maswala ya kigeni nchini Urusi Segei Lavrov amemwambia waziri wa ulinzi nchini Marekani Rex Tillerson kwamba kuiwekea vikwazo zaidi Korea Kaskazini hakutafua dafu. Taarifa iliochapishwa na wizara ya kigeni nchini Urusi inasema kuwa wawili hao walizungumza kwa njia ya simu na kushutumu majaribio ya makombora ya hivi karibuni yaliotekelezwa na Pyongyang . Lakini inasema kuwa bwana Lavrov alisisitiza kwamba diplomasia ndio njia ya pekee ya kumaliza wasiwasi katika rasi ya Korea, na kutaka hatua zozote dhidi ya taifa hilo kusitishwa akionya huenda zikasababisha madhara yasiojulikana. Waziri wa ulinzi nchini Marekani amesisitiza kuwa bado kuna fursa ya kidiplomasia katika kukabiliana na Korea Kaskazini. Mapema rais Trump alichapisha ujumbe katika akaunti yake ya Twitter akisema mazungumzo sio suluhisho.
Chapisha Maoni
mteule the best »

*DKT. MAGUFULI, MNANGAGWA WAWEKA HISTORIA MPYA*

Rais wa Zimbabwe, Emerson Mnangagwa na Rais wa Jamhuri ya Muungano wa Tanzania, Dkt. John Pombe Magufuli Rais wa Zimbabwe, Emerson Mnangagwa na Rais wa Jamhuri ya Muungano wa Tanzania, Dkt. John Pombe Magufuli wameweka historia mpya kwa kukubaliana kushirikiana kwenye maeneo makuu matatu yenye tija pande zote. *Kwanza*, *Kuimarisha uchumi* wa nchi hizi mbili kwa kukuza uwekezaji na biashara ambao umeanza kuonesha matunda makubwa. Mathalani, katika eneo la biashara kumeonyesha mafanikio makubwa kila mwaka. Mfano mwaka 2016 biashara kati ya Tanzania na Zimbabwe ilikuwa ni Tsh. Bilioni 18.3. Mwaka 2017 biashara ilikuwa Tsh. Bilioni 21.1. *Pili*; *kushirikiana* vyema kwenye masuala ya *utalii* kwa kutumia wingi wa vivutio vya utalii kama vile mbuga za wanyama, fukwe, maeneo ya kihistoria pamoja na Mlima Kilimanjaro. *Tatu*; Kushirikiana na kuimarisha eneo la *huduma za kijamii* zikiwemo afya, utamaduni, elimu na kukuza lugha ya kiswahili ambapo Tanzania ina Waalimu wa kutosha na hivyo...
Chapisha Maoni
mteule the best »

MAPENZI: Kuna faida na ni muhimu Mpenzi wako kuwa rafiki yako pia

Kuna faida kubwa kwa wapenzi kuwa marafiki KUTOKANA na mila mbalimbali, baadhi ya watu wamekuwa wakiamini kwamba mwanamke ni daraja la pili. Daraja la kwanza na lenye kuthaminiwa ni mwanaume. Yaani mwanamke hana kauli kwa mwanaume. Anakuwa kama mtumwa fulani hivi.  Mwanaume akiongea, basi ni maelekezo kama vile rais wa nchi anavyotoa maelekezo kwa watu walio chini yake. Hakuna wa kupinga. Akisema sitaki kitu fulani kifanyike, basi ni mpaka atakapotoa maelekezo mengine. Vinginevyo, maelekezo ya awali yatabaki kusimama kama sheria.  Wapo baadhi ya wanawake wanaofurahia aina hii ya uhusiano kwa sababu ya mazoea. Kwamba wamekuzwa hivyo, mwanaume ni mwanaume. Huu ni mfumo ambao watu wengi wamekuwa wakiuishi. Kuna ambao wanakubaliana nao, wengine hawakubaliani nao.  Watu wengi sana wamekuwa wakiishi katika malumbano katika mahusiano yao kutokana na mfumo huu wa maisha. Mwanamke hataki kuishi kama mtumwa, mume anakomaa kuonesha uanaume wake. Hakuna anayekubali kushuka,...
Chapisha Maoni
mteule the best »