Mkataba wa kuzuia silaha za Nyuklia wasainiwa

MTEULE THE BEST
Nchi 51 zimesaini makubaliano mapya ya kupinga matumizi ya silaha za nyuklia duniani ambayo yamepingwa vikali na Marekani na nchi nyingine zenye nguvu duniani.

USA UN Vollversammlung in New York Antonio Guterres (Getty Images/AFP/D. Emmert)

Kusainiwa mkataba huu mpya kunajitokeza katika wakati ambapo mgogoro kuhusu Korea Kaskazini ukizidi kufukuta. Kadhalika hatua hii ya kusaini mkataba huo inakuja ikiwa ni siku moja baada ya Rais Donald Trump wa Marekani kutishia kuiangamiza kabisa Korea Kaskazini pale nchi yake itakapolazimika kujilinda au kuwalinda washirika wake.

Mkataba unaopinga kutumika kwa silaha za maangamizi makubwa uliidhinishwa na nchi 122 katika Umoja wa Mataifa mnamo mwezi wa Julai baada ya kufanyika majadiliano ya kina yaliyoongozwa na Austria, Brazil, Mexico, Afrika Kusini na New Zealand. Hakuna nchi hata moja kati ya tisa zinazomiliki silaha hizo za nyuklia iliyoshiriki katika mazungumzo hayo, zikiwemo Marekani, Urusi, China, Ufaransa, Uingereza, India, Pakistan, Korea Kaskazini na Israel, ambayo haijawahi kukiri hadharani ingawa inafahamika kuwa nazo.

Nchi hizo zenye kumiliki silaha hatari kabisa duniani zinahoji kwamba zana zao hizo zipo kwa ajili ya kujilinda dhidi ya mashambulizi ya kinyuklia na kwamba zimejitolea katika kuuzingatia mkataba unaokataza uenezaji wa silaha hizo unaofahamika kama Non-Proliferation Treaty, NPT.

President Trump UN Diskussion (Getty Images/C.Ochs)

Leo hii,(20.09.2017) Katibu Mkuu wa Umoja wa Mataifa Antonio Guterres amefungua rasmi sherehe za kuutia saini mkataba wa kuzuia kuenea kwa silaha hizo za nyuklia katika Umoja wa Mataifa akisema kwamba ni msingi uliofikiwa na nchi nyingi katika kuunga mkono kuzuia matumizi ya silaha hizo katika kipindi cha zaidi ya miongo miwili.

''Mkataba juu ya kuzuia kueneza sialaha za nyuklia ni matokeo ya kuongezeka wasiwasi kuhusiana na kitisho kinacholetwa na kuendelea kuwepo kwa silaha za Nyuklia ikiwemo majanga ya kibinadamu na athari za kimazingira kutokana na kutumika silaha hizo.Mkataba huu ni hatua muhimu kuenelea lengola ulimwengu usiokuwa na silaha za maangamizi na ni matumaini yake kwamba mkataba huu utachochea juhudi za ulimwengu kulifikia lengo hili''

Hata hivyo, Guterres amekiri pia kwamba hatua zaidi zinahitajika ili kuondokana na mrundikano wa makombora 15,000 ya kufyetuwa mabomu ya atomiki. Mkataba huo utaanza kutekelezwa baada ya nchi 50 kuuidhinisha.

Korea Kaskazini imechochea ulimwengu kuwa katika hali ya mashaka baada ya kuonekana kuendelea kufyetua makombora yake ya nyuklia.

USA UN Vollversammlung in New York (picture-alliance/Photoshot/W. Ying)

Hata hivyo, Marekani, Uingereza na Ufaransa zimeupuuzilia mbali mkataba huo na kusema kwamba hauzingatii hali halisi ya ulimwengu ulivyo. Nchi hizo zenye nguvu ya nyuklia zinasema marufuku ya silaha haiwezi kusaidia kitu. Waziri wa Mambo ya Nje wa Ufaransa, Jean Yves Le Drian, amesema mkataba huo haukaribiani na uhalisia.

Mkataba huo wa NPT uliopatikana kipindi cha miongo kadhaa unataka kutafuta njia za kuzuia kuenea kwa silaha za atomiki lakini pia unazitaka nchi ambazo tayari zinamiliki silaha hizo kupunguza mrundikano wa silaha walizonazo.

Wasiwasi unaendelea kuongezeka miongoni mwa nchi ambazo hazimiliki silaha hizo kuhusiana na kasi ndogo ya kumalizwa kwa silaha hizo, huku kukiweko mashaka kwamba silaha za maangamizi makubwa huenda zikaingia mikononi mwa mikono ya watu hatari.

Urusi: Vikwazo dhidi ya Korea Kaskazini havitafua dafu

MTEULE THE BEST Image caption Waziri wa maswala ya kigeni nchini Urusi Sergei Lavrov na mwenzeka wa Marekani Rex Tillerson Waziri wa maswala ya kigeni nchini Urusi Segei Lavrov amemwambia waziri wa ulinzi nchini Marekani Rex Tillerson kwamba kuiwekea vikwazo zaidi Korea Kaskazini hakutafua dafu. Taarifa iliochapishwa na wizara ya kigeni nchini Urusi inasema kuwa wawili hao walizungumza kwa njia ya simu na kushutumu majaribio ya makombora ya hivi karibuni yaliotekelezwa na Pyongyang . Lakini inasema kuwa bwana Lavrov alisisitiza kwamba diplomasia ndio njia ya pekee ya kumaliza wasiwasi katika rasi ya Korea, na kutaka hatua zozote dhidi ya taifa hilo kusitishwa akionya huenda zikasababisha madhara yasiojulikana. Waziri wa ulinzi nchini Marekani amesisitiza kuwa bado kuna fursa ya kidiplomasia katika kukabiliana na Korea Kaskazini. Mapema rais Trump alichapisha ujumbe katika akaunti yake ya Twitter akisema mazungumzo sio suluhisho.

mteule the best »

DKT. MAGUFULI, MNANGAGWA WAWEKA HISTORIA MPYA

Rais wa Zimbabwe, Emerson Mnangagwa na Rais wa Jamhuri ya Muungano wa Tanzania, Dkt. John Pombe Magufuli Rais wa Zimbabwe, Emerson Mnangagwa na Rais wa Jamhuri ya Muungano wa Tanzania, Dkt. John Pombe Magufuli wameweka historia mpya kwa kukubaliana kushirikiana kwenye maeneo makuu matatu yenye tija pande zote. *Kwanza*, *Kuimarisha uchumi* wa nchi hizi mbili kwa kukuza uwekezaji na biashara ambao umeanza kuonesha matunda makubwa. Mathalani, katika eneo la biashara kumeonyesha mafanikio makubwa kila mwaka. Mfano mwaka 2016 biashara kati ya Tanzania na Zimbabwe ilikuwa ni Tsh. Bilioni 18.3. Mwaka 2017 biashara ilikuwa Tsh. Bilioni 21.1. *Pili*; *kushirikiana* vyema kwenye masuala ya *utalii* kwa kutumia wingi wa vivutio vya utalii kama vile mbuga za wanyama, fukwe, maeneo ya kihistoria pamoja na Mlima Kilimanjaro. *Tatu*; Kushirikiana na kuimarisha eneo la *huduma za kijamii* zikiwemo afya, utamaduni, elimu na kukuza lugha ya kiswahili ambapo Tanzania ina Waalimu wa kutosha na hivyo...

mteule the best »

MAPENZI: Kuna faida na ni muhimu Mpenzi wako kuwa rafiki yako pia

Kuna faida kubwa kwa wapenzi kuwa marafiki KUTOKANA na mila mbalimbali, baadhi ya watu wamekuwa wakiamini kwamba mwanamke ni daraja la pili. Daraja la kwanza na lenye kuthaminiwa ni mwanaume. Yaani mwanamke hana kauli kwa mwanaume. Anakuwa kama mtumwa fulani hivi. Mwanaume akiongea, basi ni maelekezo kama vile rais wa nchi anavyotoa maelekezo kwa watu walio chini yake. Hakuna wa kupinga. Akisema sitaki kitu fulani kifanyike, basi ni mpaka atakapotoa maelekezo mengine. Vinginevyo, maelekezo ya awali yatabaki kusimama kama sheria. Wapo baadhi ya wanawake wanaofurahia aina hii ya uhusiano kwa sababu ya mazoea. Kwamba wamekuzwa hivyo, mwanaume ni mwanaume. Huu ni mfumo ambao watu wengi wamekuwa wakiuishi. Kuna ambao wanakubaliana nao, wengine hawakubaliani nao. Watu wengi sana wamekuwa wakiishi katika malumbano katika mahusiano yao kutokana na mfumo huu wa maisha. Mwanamke hataki kuishi kama mtumwa, mume anakomaa kuonesha uanaume wake. Hakuna anayekubali kushuka,...

mteule the best »

SOCIALISM

Tafuta katika Blogu Hii