Korea Kaskazini: Hotuba ya Trump ni sawa na mbwa anayebweka

MTEULE THE BEST

• Mshirikishe mwenzako

Haki miliki ya pichaAFP/GETTY IMAGES

Image captionKim Jong-un

Mwanadiplomasia wa cheo cha juu wa Korea Kaskazini ameifananisha hotuba ya Trump kwa Umoja wa Mataia na kibweko cha mbwa.

Akihutubia baraza kuu la Umoja wa Mataifa siku ya Jumatano, Bw Trumo alisema kuwa ataiharibu Korea Kaskazini ikiwa itakuwa tisho kwa Marekani na washirika wake.

• Marekani: Hatutaivumilia tena Korea Kaskazini

Matamshi ya waziri wa mashauri ya nchi za kigeni Ri Yong-ho, ndiyo ya kwanza rasmi ya Korea Kaskazini tangu hotuba ya Trump.

Image captionMakombora ya Korea Kaskazini

Korea Kaskazini imendelea na mpango wake wa nyuklia na kukiuka maazimio ya Umoja wa Mataifa.

"Ikiwa Bw Trump anafikiri kuwa atatuletea hofu kwa sauti ya mbwa anayebweka basi hiyo kwake ni ndoto."

• Mzozo wa Korea Kaskazini na Marekani kwa muhtasari

Akizungumza kuhusu kiongozi wa Korea Kaskazini Kim Jon-un, Bw Trump aliuambia Umoja wa mataifa kuwa Bwana Kim ako katika mikakati ya kujitia kitanzi.

Image captionWanajeshi wa Marekani walio Korea Kusini

Bwana Ri anatarajiwa kutoa hotuba yake kwa Umoja wa Mataifa siku ya Ijumaa.

Wataalamu wanasema kuwa Korea Kaskazni imaharakisha mipango yake ya kuunda makombora ya masafa marefu na mipango yote ya nyuklia.

• Je dunia itaifanya nini Korea Kaskazini?

Tarehe tatu Septemba Korea Kaskazini ilitangaza kuwa imefanya jaribio lake la sita la nyuklia