Ulaya yaahidi kuyalinda makubaliano juu ya nyuklia ya Iran Umoja wa Ulaya umesema utaendelea kuheshimu makubaliano juu ya mpango wa nyuklia wa Iran, na hautarejesha vikwazo dhidi ya nchi hiyo baada ya Rais Trump kuiondoa Marekani katika makubaliano hayo jana.

MTEULE THE BEST

Umoja wa Ulaya umesema utaendelea kuheshimu makubaliano juu ya mpango wa nyuklia wa Iran, na hautarejesha vikwazo dhidi ya nchi hiyo baada ya Rais Trump kuiondoa Marekani katika makubaliano hayo jana.

Deutschland Außenministertreffen zum iranischer Atomvertrag (picture-alliance/NurPhoto/E. Contini)

Nchi za Umoja wa Ulaya zimesema zitasimama kidete kuyatunza makubaliano juu ya mpango wa nyuklia wa Iran.

Nchi za Ulaya ambazo zilihusika katika kujadili na kusaini makubaliano hayo ya mwaka 2015 kuhusu mpango wa nyuklia wa Iran zinafanya kila juhudi kuyanusuru makubaliano hayo, ambayo yanakabiliwa na kitisho kikubwa kutoka na hatua ya Rais Donald Trump ya kuindoa Marekani hapo jana. Rais wa Ufaransa Emmanuel Macron anatarajiwa kufanya mazungumzo ya simu na mwenzake wa Iran Hassan Rouhani, kumuhakikishia kwamba Umoja wa Ulaya utafanya uwezavyo kuendeleza ahueni ya kiuchumi ambayo Iran iliahidiwa ili ipunguze upeo wa mpango wake wa nyuklia.

Tangazo la pamoja lililotolewa na Kansela wa Ujerumani Angela Merkel, Waziri Mkuu wa Uingereza Theresa May na Rais wa Ufaransa Emmanuel Macron muda mfupi baada ya Rais Trump kubainisha uamuzi wake, viongozi hao wa Ulaya wamesema wamesikitishwa na hatua hiyo ya Marekani.

Akizungumza na kituo kimoja cha redio cha Ufaransa, waziri wa mambo ya nje wa nchi hiyo Jean-Yves Le Drian, amesema mawaziri wa mambo ya nchi za nje wa Uingereza, Ufaransa na Ujerumani watakutana na mwenzao wa Iran Jumatatu ijayo, kutafakari mazingira ya makubaliano hayo baada ya pigo la Donald Trump. Ahadi nyingine ya kuyalinda makubaliano hayo kuhusu Iran imetolewa na China na Urusi ambazo pia ziliyatia saini.

Hakuna mwenye haki ya kusambaratisha makubaliano ya kimataifa

Federica Mogherini Hohe Vertreterin der EU für Außen- und Sicherheitspolitik (Getty Images/AFP/J. Thys)

Federica Mogherini, Mkuu wa sera za nje za Umoja wa Ulaya

Mkuu wa sera za nje za Umoja wa Ulaya Federica Mogherini, amesema Marekani haina haki ya kuchukua hatua za peke yake kuyasambaratisha makubaliano hayo.

''Makubaliano haya ya nyuklia ya Iran sio kati ya pande mbili, na hakuna nchi yenye haki ya kuyasambaratisha inavyotaka. Yaliidhinishwa kwa kauli moja na Baraza la Usalama la Umoja wa Mataifa katika azimio nambari 2231, na nguzo muhimu ya kuzuia kuenea kwa silaha za nyuklia duniani'' Amesema Mogherini, na kuongeza kuwa mpango huo vile vile ni ishara njema katika mazingira ya sasa yanayotoa matumaini ya kuondoa kitisho cha nyuklia katika rasi ya Korea.

Rais wa Iran Hassan Rouhani amemshutumu Rais Trump kwa kuendeleza vita vya kisaikolojia, na kusema nchi yake itaanza tena kurutubisha madini ya urani, ingawa itasubiri kwanza kujadiliana na wadau wengine kabla ya kupitisha uamuzi kamili.

Polisi wa uchumi wa dunia

USA Donald Trump Ausstieg aus Atomabkommen mit dem Iran (picture-alliance/abaca/D. Olivier)

Rais Trump akitia saini sheria ya kuiondoa Marekani katika mpango wa nyuklia wa Iran

Akitangaza uamuzi wake jana Trump alisema msingi wa makubaliano hayo umeoza, na kwamba hayana uwezo wa kuizuia Iran kupata silaha za nyuklia, na alitoa wito wa kuwepo mkataba mpya ambao unatoa suluhisho la kudumu. Mshauri wake mkuu kuhusu usalama wa taifa John Bolton aliyapa makampuni ya Ulaya yanayofanya biashara na Iran kipindi cha miezi sita kusimamisha biashara hiyo, la sivyo yatakabiliwa na vikwazo vya Marekani.

Waziri wa uchumi wa Ufaransa Bruno Le Maire amesema haikubaliki kwamba Marekani inataka kujifanya polisi wa uchumi wa dunia. Makampuni makubwa ya Ulaya yamejiweka katika hali ya tahadhali, yakisubiri uamuzi wa kisiasa kujua njia ya kufuata.

Uamuzi wa Rais Trump kuiondoa Marekani katika makubaliano hayo juu ya mpango wa nyuklia wa Iran yamekaribishwa kwa furaha na washirika wake wa Mashariki ya Kati ambao ni mahasimu wa Iran, Israel na Saudi Arabia

Urusi: Vikwazo dhidi ya Korea Kaskazini havitafua dafu

MTEULE THE BEST Image caption Waziri wa maswala ya kigeni nchini Urusi Sergei Lavrov na mwenzeka wa Marekani Rex Tillerson Waziri wa maswala ya kigeni nchini Urusi Segei Lavrov amemwambia waziri wa ulinzi nchini Marekani Rex Tillerson kwamba kuiwekea vikwazo zaidi Korea Kaskazini hakutafua dafu. Taarifa iliochapishwa na wizara ya kigeni nchini Urusi inasema kuwa wawili hao walizungumza kwa njia ya simu na kushutumu majaribio ya makombora ya hivi karibuni yaliotekelezwa na Pyongyang . Lakini inasema kuwa bwana Lavrov alisisitiza kwamba diplomasia ndio njia ya pekee ya kumaliza wasiwasi katika rasi ya Korea, na kutaka hatua zozote dhidi ya taifa hilo kusitishwa akionya huenda zikasababisha madhara yasiojulikana. Waziri wa ulinzi nchini Marekani amesisitiza kuwa bado kuna fursa ya kidiplomasia katika kukabiliana na Korea Kaskazini. Mapema rais Trump alichapisha ujumbe katika akaunti yake ya Twitter akisema mazungumzo sio suluhisho.

mteule the best »

DKT. MAGUFULI, MNANGAGWA WAWEKA HISTORIA MPYA

Rais wa Zimbabwe, Emerson Mnangagwa na Rais wa Jamhuri ya Muungano wa Tanzania, Dkt. John Pombe Magufuli Rais wa Zimbabwe, Emerson Mnangagwa na Rais wa Jamhuri ya Muungano wa Tanzania, Dkt. John Pombe Magufuli wameweka historia mpya kwa kukubaliana kushirikiana kwenye maeneo makuu matatu yenye tija pande zote. *Kwanza*, *Kuimarisha uchumi* wa nchi hizi mbili kwa kukuza uwekezaji na biashara ambao umeanza kuonesha matunda makubwa. Mathalani, katika eneo la biashara kumeonyesha mafanikio makubwa kila mwaka. Mfano mwaka 2016 biashara kati ya Tanzania na Zimbabwe ilikuwa ni Tsh. Bilioni 18.3. Mwaka 2017 biashara ilikuwa Tsh. Bilioni 21.1. *Pili*; *kushirikiana* vyema kwenye masuala ya *utalii* kwa kutumia wingi wa vivutio vya utalii kama vile mbuga za wanyama, fukwe, maeneo ya kihistoria pamoja na Mlima Kilimanjaro. *Tatu*; Kushirikiana na kuimarisha eneo la *huduma za kijamii* zikiwemo afya, utamaduni, elimu na kukuza lugha ya kiswahili ambapo Tanzania ina Waalimu wa kutosha na hivyo...

mteule the best »

MAPENZI: Kuna faida na ni muhimu Mpenzi wako kuwa rafiki yako pia

Kuna faida kubwa kwa wapenzi kuwa marafiki KUTOKANA na mila mbalimbali, baadhi ya watu wamekuwa wakiamini kwamba mwanamke ni daraja la pili. Daraja la kwanza na lenye kuthaminiwa ni mwanaume. Yaani mwanamke hana kauli kwa mwanaume. Anakuwa kama mtumwa fulani hivi. Mwanaume akiongea, basi ni maelekezo kama vile rais wa nchi anavyotoa maelekezo kwa watu walio chini yake. Hakuna wa kupinga. Akisema sitaki kitu fulani kifanyike, basi ni mpaka atakapotoa maelekezo mengine. Vinginevyo, maelekezo ya awali yatabaki kusimama kama sheria. Wapo baadhi ya wanawake wanaofurahia aina hii ya uhusiano kwa sababu ya mazoea. Kwamba wamekuzwa hivyo, mwanaume ni mwanaume. Huu ni mfumo ambao watu wengi wamekuwa wakiuishi. Kuna ambao wanakubaliana nao, wengine hawakubaliani nao. Watu wengi sana wamekuwa wakiishi katika malumbano katika mahusiano yao kutokana na mfumo huu wa maisha. Mwanamke hataki kuishi kama mtumwa, mume anakomaa kuonesha uanaume wake. Hakuna anayekubali kushuka,...

mteule the best »

SOCIALISM

Tafuta katika Blogu Hii