Marekani yazitaka nchi nyingine kuishinikiza Iran

Serikali ya Marekani imezitaka nchi nyingine kuongeza shinikizo kwa Iran kutokana na kuhusika kwake katika mzozo wa Mashariki ya Kati.

Taarifa iliyotolewa na Ikulu ya Marekani imelikosoa Jeshi la Mapinduzi la Iran, kutokana na vitendo vyake vya kuchangia katika kusababisha ushawishi wa kukosekana kwa amani na utulivu katika Mashariki ya Kati, licha ya watu wa Iran kuwa waathirika wa uchumi unaosuasua.

Msemaji wa Ikulu ya Marekani, Sarah Huckabee Sanders amevitolea mfano vitendo hivyo vya Iran ambavyo inavifanya katika nchi za Syria na Saudi Arabia na ameyataka mataifa mengine duniani kuishinikiza Iran kuachana na tabia yake hatari. Taarifa hiyo ya Marekani imevikosoa vikosi hivyo kwa kurusha makombora dhidi ya Israel katika milima ya Golan mwanzoni mwa juma hili, hali iliyosababisha Israel kujibu pia kwa mashambulizi siku ya Alhamisi dhidi ya vikosi vya Iran. Hali hiyo imezusha hofu ya kuzuka kwa mzozo katika ukanda huo na hivyo kuhatarisha amani na usalama wa Mashariki ya Kati.

Trump na May walaani shambulizi

Marekani imesema pia Iran imeanzisha mashambulizi ya makombora dhidi ya Saudi Arabia. Jana Rais wa Marekani, Donald Trump alizungumza kwa njia ya simu na Waziri Mkuu wa Uingereza, Theresa May na wote kwa pamoja wamelaani vikali mashambulizi hayo ya makombora yaliyofanywa na Iran kutoka Syria dhidi ya Israel na kujadiliana njia nzuri ya kuishughulikia tabia hiyo ya hatari ya Iran.

Hata hivyo, ofisi ya May imesema kuwa kiongozi huyo amerudia kuelezea msimamo wake wa kuendelea kuunga mkono mkataba wa nykulia kati ya Iran na mataifa yenye nguvu, licha ya Trump kujiondoa wiki hii.

Ayatollah Ahmad Khatami

Waziri Mkuu wa Israel, Benjamin Netanyahu amesema nchi yake haitovumilia uchokozi wowote ule wa Iran wala kujiimarisha kijeshi nchini Syria. Hata hivyo, Iran imesema ina washauri tu nchini Syria na sio vikosi vya kijeshi.

Khatami aonya

Hayo yanajiri wakati ambapo kiongozi maarufu wa kidini wa Iran, Ayatollah Ahmad Khatami ametishia kwamba miji miwili ya Israel itaharibiwa vibaya kama nchi hiyo itaendeleza kile alichokiita ''vitendo vya kijinga'' na kufanya mashambulizi tena.

Khatami ambaye ameelezea mawazo ya Kiongozi wa kidini mwenye ushawishi mkubwa nchini Iran Ayatollah Ali Khamenei aliyesema Israel haitokuwepo katika kipindi cha miaka 25 ijayo, amebainisha kuwa taifa hilo la Kiyahudi huenda likaharibiwa iwapo litaendelea kuishambulia Iran.

Akizungumza kupitia televisheni ya taifa, Khatami amesema Iran itaimarisha uwezo wake wa makombora siku baada ya siku, na Israel ikifanya jambo lolote la kijinga, basi nchi hiyo itaiangamiza miji ya Tel Aviv na Haifa.

Kwa upande mwingine taarifa iliyotolewa jana na serikali ya Iran imeonya kwamba itachukua hatua yoyote inayoona inafaa, ikiwa haitolipwa fidia sawasawa kutokana na Marekani kujiondoa kwenye makubaliano ya nyuklia ya Iran kama ilivyokubaliwa katika mkataba huo.

Iran imezitolea wito pande nyingine zilizosaini, hasa Uingereza, Ufaransa na Ujerumani, kuulinda mkataba huo na kuongeza kusema kuwa hakuna masharti au kuhusu muda wa makubaliano hayo ya mwaka 2015 yanayoweza kujadiliwa kwa namna yoyote ile

Urusi: Vikwazo dhidi ya Korea Kaskazini havitafua dafu

MTEULE THE BEST Image caption Waziri wa maswala ya kigeni nchini Urusi Sergei Lavrov na mwenzeka wa Marekani Rex Tillerson Waziri wa maswala ya kigeni nchini Urusi Segei Lavrov amemwambia waziri wa ulinzi nchini Marekani Rex Tillerson kwamba kuiwekea vikwazo zaidi Korea Kaskazini hakutafua dafu. Taarifa iliochapishwa na wizara ya kigeni nchini Urusi inasema kuwa wawili hao walizungumza kwa njia ya simu na kushutumu majaribio ya makombora ya hivi karibuni yaliotekelezwa na Pyongyang . Lakini inasema kuwa bwana Lavrov alisisitiza kwamba diplomasia ndio njia ya pekee ya kumaliza wasiwasi katika rasi ya Korea, na kutaka hatua zozote dhidi ya taifa hilo kusitishwa akionya huenda zikasababisha madhara yasiojulikana. Waziri wa ulinzi nchini Marekani amesisitiza kuwa bado kuna fursa ya kidiplomasia katika kukabiliana na Korea Kaskazini. Mapema rais Trump alichapisha ujumbe katika akaunti yake ya Twitter akisema mazungumzo sio suluhisho.

mteule the best »

DKT. MAGUFULI, MNANGAGWA WAWEKA HISTORIA MPYA

Rais wa Zimbabwe, Emerson Mnangagwa na Rais wa Jamhuri ya Muungano wa Tanzania, Dkt. John Pombe Magufuli Rais wa Zimbabwe, Emerson Mnangagwa na Rais wa Jamhuri ya Muungano wa Tanzania, Dkt. John Pombe Magufuli wameweka historia mpya kwa kukubaliana kushirikiana kwenye maeneo makuu matatu yenye tija pande zote. *Kwanza*, *Kuimarisha uchumi* wa nchi hizi mbili kwa kukuza uwekezaji na biashara ambao umeanza kuonesha matunda makubwa. Mathalani, katika eneo la biashara kumeonyesha mafanikio makubwa kila mwaka. Mfano mwaka 2016 biashara kati ya Tanzania na Zimbabwe ilikuwa ni Tsh. Bilioni 18.3. Mwaka 2017 biashara ilikuwa Tsh. Bilioni 21.1. *Pili*; *kushirikiana* vyema kwenye masuala ya *utalii* kwa kutumia wingi wa vivutio vya utalii kama vile mbuga za wanyama, fukwe, maeneo ya kihistoria pamoja na Mlima Kilimanjaro. *Tatu*; Kushirikiana na kuimarisha eneo la *huduma za kijamii* zikiwemo afya, utamaduni, elimu na kukuza lugha ya kiswahili ambapo Tanzania ina Waalimu wa kutosha na hivyo...

mteule the best »

MAPENZI: Kuna faida na ni muhimu Mpenzi wako kuwa rafiki yako pia

Kuna faida kubwa kwa wapenzi kuwa marafiki KUTOKANA na mila mbalimbali, baadhi ya watu wamekuwa wakiamini kwamba mwanamke ni daraja la pili. Daraja la kwanza na lenye kuthaminiwa ni mwanaume. Yaani mwanamke hana kauli kwa mwanaume. Anakuwa kama mtumwa fulani hivi. Mwanaume akiongea, basi ni maelekezo kama vile rais wa nchi anavyotoa maelekezo kwa watu walio chini yake. Hakuna wa kupinga. Akisema sitaki kitu fulani kifanyike, basi ni mpaka atakapotoa maelekezo mengine. Vinginevyo, maelekezo ya awali yatabaki kusimama kama sheria. Wapo baadhi ya wanawake wanaofurahia aina hii ya uhusiano kwa sababu ya mazoea. Kwamba wamekuzwa hivyo, mwanaume ni mwanaume. Huu ni mfumo ambao watu wengi wamekuwa wakiuishi. Kuna ambao wanakubaliana nao, wengine hawakubaliani nao. Watu wengi sana wamekuwa wakiishi katika malumbano katika mahusiano yao kutokana na mfumo huu wa maisha. Mwanamke hataki kuishi kama mtumwa, mume anakomaa kuonesha uanaume wake. Hakuna anayekubali kushuka,...

mteule the best »

SOCIALISM

Tafuta katika Blogu Hii