Ruka hadi kwenye maudhui makuu

Wabunge wa Ujerumani wataka wahamiaji waliokataliwa wafukuzwe haraka

MTEULE THE BEST



Wabunge wa Ujerumani wataka wahamiaji waliokataliwa wafukuzwe haraka

Wabunge wa Ujerumani wametoa mwito wa kuharakishwa kwa mchakato wa kuwafukuza wahamiaji wanaokataliwa hifadhi nchini
Mji wa Ansbach baada ya mashambulio ya Jumapili
Mji wa Ansbach baada ya mashambulio ya Jumapili
Mbunge wa chama kinachoongoza serikali ya mseto CDU, Armin Schuster amesema Ujerumani inapasa pia kuwa na tabia ya kusema kwaheri, na sio ya kukaribisha tu.
Bwana Schuster ameeleza katika mahojiano na magazeti muhimu ya nchini Ujerumani kwamba Ujerumani imeshindwa kuitekeleza kanuni ya kuwafukuza haraka wahamiaji, baada ya maombi yao ya kuishi nchini kukataliwa.
Bwana Schuster ambae pia ni mtaalamu wa masuala ya ndani ya nchi bungeni, amefahamisha kwamba bado wapo wahamiaji zaidi ya laki nchini Ujerumani, ingawa maombi yao ya kuishi nchini yamekataliwa.
Naye Mbunge wa chama cha mrengo wa kushoto Sarah Wagenknecht ameikosoa sera ya Kansela wa Ujerumani Angela Merkel juu ya wakimbizi.
Amesema matukio ya siku za hivi karibuni yamethibitisha kwamba kupokea idadi kubwa ya wakimbizi wanaohitaji kushughulikiwa ni changamoto kubwa na kazi ngumu kuliko Kansela Merkel anavyojaribu kusema kwamba atafanikiwa.
Mkimbizi kutoka Syria ajilipua
Waziri wa mambo ya ndani wa jimbo la Bavaria Joachim Herrmann
Waziri wa mambo ya ndani wa jimbo la Bavaria Joachim Herrmann
Wabunge wa Ujerumani wameutoa mwito huo wa kuwafukuza haraka wakimbizi wanaonyimwa ruhusa ya kuishi nchini baada ya kutokea mashambulio mengine katika mji wa Ansbach katika jimbo la Bavaria, la kusini mwa Ujerumani Jumapili iliyopita.
Mkimbizi mmoja kutoka Syria alijilipua baada ya maombi yake ya kupatiwa hifadhi nchini kukataliwa. Mtu huyo alijilipua na kujiua karibu na klabu ya burudani na kuwajeruhi watu wengine 15. Kabla ya kulifanya shambulio hilo mtu huyo aliekuwa na umri wa miaka 27,aliapa utiifu kwa kiongozi wa kundi la magaidi wanaojiita Dola la Kiislamu.Alifyatua bomu lililokuwamo ndani ya shanta- kifuko cha mgongoni.
Kwa mujibu wa maafisa,ukanda wa video wa mtu huyo uliopatikana baadae ulibainisha azma yake ya kuishambulia Ujerumani,ili kulipiza kisasi kwa sababu ya nchi hiyo kuupinga Uislamu.
Maafisa wa idara husika wamefahamisha kwamba mshambuliaji huyo aliwasili nchini Ujerumani miaka miwili iliyopita lakini maombi yake ya kupatiwa hifadhi ya ukimbizi nchini yalikataliwa na alipangiwa kuondolewa na kurudishwa Bulgaria ambako aliingia kwanza na kusajiliwa.
Hata hivyo waziri wa mambo ya ndani wa Ujerumani Thomas de Maiziere amesema mpango wa kumfukuza mtu huyo ulisimamishwa kwa muda kutokana na matatizo ya kiakili aliyokuwanayo. Lakini idara za jimbo la Bavaria zimearifu kwamba mshambuliaji huyo alikuwa tayari ameshapokea amri ya kuondoka nchini wiki mbili kabla ya kadhia ya Jumapili iliyopita.Ilikuwa afukuzwe nchini mnamo muda wa siku 30.
Mwandishi:Mtullya abdu/ZA,DW

Maoni

Chapisha Maoni

Machapisho maarufu kutoka blogu hii

Urusi: Vikwazo dhidi ya Korea Kaskazini havitafua dafu

MTEULE THE BEST Image caption Waziri wa maswala ya kigeni nchini Urusi Sergei Lavrov na mwenzeka wa Marekani Rex Tillerson Waziri wa maswala ya kigeni nchini Urusi Segei Lavrov amemwambia waziri wa ulinzi nchini Marekani Rex Tillerson kwamba kuiwekea vikwazo zaidi Korea Kaskazini hakutafua dafu. Taarifa iliochapishwa na wizara ya kigeni nchini Urusi inasema kuwa wawili hao walizungumza kwa njia ya simu na kushutumu majaribio ya makombora ya hivi karibuni yaliotekelezwa na Pyongyang . Lakini inasema kuwa bwana Lavrov alisisitiza kwamba diplomasia ndio njia ya pekee ya kumaliza wasiwasi katika rasi ya Korea, na kutaka hatua zozote dhidi ya taifa hilo kusitishwa akionya huenda zikasababisha madhara yasiojulikana. Waziri wa ulinzi nchini Marekani amesisitiza kuwa bado kuna fursa ya kidiplomasia katika kukabiliana na Korea Kaskazini. Mapema rais Trump alichapisha ujumbe katika akaunti yake ya Twitter akisema mazungumzo sio suluhisho.
Chapisha Maoni
mteule the best »

*DKT. MAGUFULI, MNANGAGWA WAWEKA HISTORIA MPYA*

Rais wa Zimbabwe, Emerson Mnangagwa na Rais wa Jamhuri ya Muungano wa Tanzania, Dkt. John Pombe Magufuli Rais wa Zimbabwe, Emerson Mnangagwa na Rais wa Jamhuri ya Muungano wa Tanzania, Dkt. John Pombe Magufuli wameweka historia mpya kwa kukubaliana kushirikiana kwenye maeneo makuu matatu yenye tija pande zote. *Kwanza*, *Kuimarisha uchumi* wa nchi hizi mbili kwa kukuza uwekezaji na biashara ambao umeanza kuonesha matunda makubwa. Mathalani, katika eneo la biashara kumeonyesha mafanikio makubwa kila mwaka. Mfano mwaka 2016 biashara kati ya Tanzania na Zimbabwe ilikuwa ni Tsh. Bilioni 18.3. Mwaka 2017 biashara ilikuwa Tsh. Bilioni 21.1. *Pili*; *kushirikiana* vyema kwenye masuala ya *utalii* kwa kutumia wingi wa vivutio vya utalii kama vile mbuga za wanyama, fukwe, maeneo ya kihistoria pamoja na Mlima Kilimanjaro. *Tatu*; Kushirikiana na kuimarisha eneo la *huduma za kijamii* zikiwemo afya, utamaduni, elimu na kukuza lugha ya kiswahili ambapo Tanzania ina Waalimu wa kutosha na hivyo...
Chapisha Maoni
mteule the best »

MAPENZI: Kuna faida na ni muhimu Mpenzi wako kuwa rafiki yako pia

Kuna faida kubwa kwa wapenzi kuwa marafiki KUTOKANA na mila mbalimbali, baadhi ya watu wamekuwa wakiamini kwamba mwanamke ni daraja la pili. Daraja la kwanza na lenye kuthaminiwa ni mwanaume. Yaani mwanamke hana kauli kwa mwanaume. Anakuwa kama mtumwa fulani hivi.  Mwanaume akiongea, basi ni maelekezo kama vile rais wa nchi anavyotoa maelekezo kwa watu walio chini yake. Hakuna wa kupinga. Akisema sitaki kitu fulani kifanyike, basi ni mpaka atakapotoa maelekezo mengine. Vinginevyo, maelekezo ya awali yatabaki kusimama kama sheria.  Wapo baadhi ya wanawake wanaofurahia aina hii ya uhusiano kwa sababu ya mazoea. Kwamba wamekuzwa hivyo, mwanaume ni mwanaume. Huu ni mfumo ambao watu wengi wamekuwa wakiuishi. Kuna ambao wanakubaliana nao, wengine hawakubaliani nao.  Watu wengi sana wamekuwa wakiishi katika malumbano katika mahusiano yao kutokana na mfumo huu wa maisha. Mwanamke hataki kuishi kama mtumwa, mume anakomaa kuonesha uanaume wake. Hakuna anayekubali kushuka,...
Chapisha Maoni
mteule the best »