Ruka hadi kwenye maudhui makuu

Angela Merkel atafakari kuchukua hatua kali dhidi ya Uturuki

MTEULE THE BEST

Merkel MIT Business Treffen (Getty Images/J. Koch)
Kansela  wa  Ujerumani Angela  Merkel ametoa  wito wa kutafakari upya mtazamo  wa serikali  ya Ujerumani  kuelekea  Uturuki baada ya nchi  hiyo kuwakamata raia  wawili  zaidi  wa  Ujerumani.
 Uhusiano kati  ya  nchi  hizo  mbili umeporomoka tangu jaribio lililoshindwa  la mapinduzi mwaka 2016.
Hakuna "msingi wa  kisheria" wa kukamatwa  katika matukio  mengi, Merkel amesema , akielezea  kuhusu Wajerumani wawili waliokamatwa  siku  ya  Alhamis nchini  Uturuki, na  kufikisha  jumla ya idadi  ya  raia  wa Ujerumani  waliokamatwa  nchini  humo  kwa sababu  za  kisiasa  kuwa 12.
"Hii  ndio  sababu  tunahitaji kuchukua  hatua  muhimu  hapa," amesema , na  kuongeza  kwamba  serikali "huenda inapaswa kutafakari  upya" uhusiano  wake na  Uturuki.
Deutschland Peter Steudtner und Deniz Yücel (picture-alliance/privat/K. Schindler)
Deniz Yucel (kushoto) mwandishi habari raia wa Ujerumani mwenye asili ya Uturuki
Merkel  amesema  Ujerumani  tayari, "imeendeleza  kwa  kiasi kikubwa " uhusiano wake  na  Uturuki, lakini  hatua   hii  mpya  ina maana "huenda  ni  muhimu  kutafakari  upya zaidi," na  kuongeza kwamba  kunaweza  kuwa  na  mazungumzo  zaidi  juu  ya  ushiriki wa  Ankara katika  Umoja  wa  forodha  wa  Umoja  wa  Ulaya  hadi pale  hali  ya  hivi  sasa  itakapotatuliwa.
"Madai yetu kwa  Uturuki yako  wazi  kabisa," msemaji  wa  serikali ya  Ujerumani  Steffen Seibert amesema. "Tunatarajia Uturuki itawaachia  huru  raia  wa  Ujerumani  ambao  wamekamatwa  kwa misingi isiyokuwa ya  kisheria."
Mahusiano baina  ya  washirika  hao  wa  NATO yamevurugika tangu  pale  serikali  ya  Ujerumani  ilipoikosoa  Uturuki  kuhusiana na  ukandamizaji  uliofuatia  jaribio la  mwaka  jana  lililoshindwa  la mapinduzi.
Kukamatwa Wajerumani
Kukamatwa  kwa  Wajerumani  wawili siku  ya  Alhamis  kunafikisha idadi  ya  watu  55, Wajerumani  waliokamatwa  nchini  Uturuki, 12 kati  yao  wanashikiliwa  kwa  sababu  za  kisiasa  na  wengine wanne wana uraia  pacha  wa  Ujerumani  na  Uturuki , ikiwa  ni pamoja  na  mwandishi  habari  mwenye  uraia  wa  Uturuki  na Ujerumani  Deniz Yucel, ambaye  yuko  kizuwizini  sasa  kwa  siku 200, imesema  wizara  ya  mambo  ya  kigeni  ya  Ujerumani.
Shirika  la  habari  la  Uturuki  linaloendeshwa  na  serikali Anadolu limeripoti  kwamba  raia  wawili  wa  Ujerumani  wenye  asili  ya Uturuki  wamekamatwa  katika  uwanja  wa  ndege  wa  Antalia kwa madai  ya  kuwa  na  uhusiano  na mtandao wa  imamu  anayeishi uhamishoni  nchini  Marekani Fethullah Gulen , ambaye  Ankara inamshutumu kwa  kutayarisha  jaribio  la  mapinduzi  lililoshindwa mwaka  jana.
Türkei | Erdogan am Atatürk-Mausoleum anlässlich der Feierlichkeiten zum 95. Jahrestag des großen Sieges (Reuters/U. Bektas)
Kiongozi wa Uturuki Recep Tayyip Erdogan
Ujerumani  haijafahamishwa  rasmi kuhusiana  na  kukamatwa  kwa watu  hao  wawili, ambako  kulitokea katika  uwanja  wa  ndege  wa Antalia siku ya  Alhamis.
Ubalozi  mdogo wa  Ujerumani   katika  mji  wa  pwani  wa  Izmir ulifahamishwa  kuhusu kukamatwa  huko "na vyanzo  ambavyo  si vya  serikali," msemaji  wa  wizara  ya  mambo  ya  kigeni Maria Adebahr  aliwaambia  waandishi  habari.
"Tunajaribu  kujua  wanashitakiwa  kwa  madai  gani,"  amesema Adebahr. "Tunapaswa  kufikiria  kwamba  ni  madai  ya  kisiasa, shaka ya  ugaidi, kama  ilivyo  kwa  wengine."
Wanadiplomasia hawajaweza  kuwa na  mawasiliano  nao , ameongeza, sikukuu  ya  Ijumaa  ya  Kiislamu  ya  Eid al-Adha  ikiwa ni  sababu  mojawapo ya uchelewesho  wa  mawasiliano  na maafisa.

Maoni

Chapisha Maoni

Machapisho maarufu kutoka blogu hii

Urusi: Vikwazo dhidi ya Korea Kaskazini havitafua dafu

MTEULE THE BEST Image caption Waziri wa maswala ya kigeni nchini Urusi Sergei Lavrov na mwenzeka wa Marekani Rex Tillerson Waziri wa maswala ya kigeni nchini Urusi Segei Lavrov amemwambia waziri wa ulinzi nchini Marekani Rex Tillerson kwamba kuiwekea vikwazo zaidi Korea Kaskazini hakutafua dafu. Taarifa iliochapishwa na wizara ya kigeni nchini Urusi inasema kuwa wawili hao walizungumza kwa njia ya simu na kushutumu majaribio ya makombora ya hivi karibuni yaliotekelezwa na Pyongyang . Lakini inasema kuwa bwana Lavrov alisisitiza kwamba diplomasia ndio njia ya pekee ya kumaliza wasiwasi katika rasi ya Korea, na kutaka hatua zozote dhidi ya taifa hilo kusitishwa akionya huenda zikasababisha madhara yasiojulikana. Waziri wa ulinzi nchini Marekani amesisitiza kuwa bado kuna fursa ya kidiplomasia katika kukabiliana na Korea Kaskazini. Mapema rais Trump alichapisha ujumbe katika akaunti yake ya Twitter akisema mazungumzo sio suluhisho.
Chapisha Maoni
mteule the best »

*DKT. MAGUFULI, MNANGAGWA WAWEKA HISTORIA MPYA*

Rais wa Zimbabwe, Emerson Mnangagwa na Rais wa Jamhuri ya Muungano wa Tanzania, Dkt. John Pombe Magufuli Rais wa Zimbabwe, Emerson Mnangagwa na Rais wa Jamhuri ya Muungano wa Tanzania, Dkt. John Pombe Magufuli wameweka historia mpya kwa kukubaliana kushirikiana kwenye maeneo makuu matatu yenye tija pande zote. *Kwanza*, *Kuimarisha uchumi* wa nchi hizi mbili kwa kukuza uwekezaji na biashara ambao umeanza kuonesha matunda makubwa. Mathalani, katika eneo la biashara kumeonyesha mafanikio makubwa kila mwaka. Mfano mwaka 2016 biashara kati ya Tanzania na Zimbabwe ilikuwa ni Tsh. Bilioni 18.3. Mwaka 2017 biashara ilikuwa Tsh. Bilioni 21.1. *Pili*; *kushirikiana* vyema kwenye masuala ya *utalii* kwa kutumia wingi wa vivutio vya utalii kama vile mbuga za wanyama, fukwe, maeneo ya kihistoria pamoja na Mlima Kilimanjaro. *Tatu*; Kushirikiana na kuimarisha eneo la *huduma za kijamii* zikiwemo afya, utamaduni, elimu na kukuza lugha ya kiswahili ambapo Tanzania ina Waalimu wa kutosha na hivyo...
Chapisha Maoni
mteule the best »

MAPENZI: Kuna faida na ni muhimu Mpenzi wako kuwa rafiki yako pia

Kuna faida kubwa kwa wapenzi kuwa marafiki KUTOKANA na mila mbalimbali, baadhi ya watu wamekuwa wakiamini kwamba mwanamke ni daraja la pili. Daraja la kwanza na lenye kuthaminiwa ni mwanaume. Yaani mwanamke hana kauli kwa mwanaume. Anakuwa kama mtumwa fulani hivi.  Mwanaume akiongea, basi ni maelekezo kama vile rais wa nchi anavyotoa maelekezo kwa watu walio chini yake. Hakuna wa kupinga. Akisema sitaki kitu fulani kifanyike, basi ni mpaka atakapotoa maelekezo mengine. Vinginevyo, maelekezo ya awali yatabaki kusimama kama sheria.  Wapo baadhi ya wanawake wanaofurahia aina hii ya uhusiano kwa sababu ya mazoea. Kwamba wamekuzwa hivyo, mwanaume ni mwanaume. Huu ni mfumo ambao watu wengi wamekuwa wakiuishi. Kuna ambao wanakubaliana nao, wengine hawakubaliani nao.  Watu wengi sana wamekuwa wakiishi katika malumbano katika mahusiano yao kutokana na mfumo huu wa maisha. Mwanamke hataki kuishi kama mtumwa, mume anakomaa kuonesha uanaume wake. Hakuna anayekubali kushuka,...
Chapisha Maoni
mteule the best »