Ruka hadi kwenye maudhui makuu

Walevi waunda kisiwa New Zealand kukwepa marufuku

MTEULE THE BEST
Watu hao waliunda kisiwa kwa kutumia mchanga katika juhudi za kukwepa marufuku

Wakazi kadha wa New Zealand walitumia ubunifu wa hali ya juu katika kinachoonekana kuwa juhudi za kukwepa marufuku ya kunywa pombe maeneo ya umma.

Maji yalipokupwa baharini, walitumia mchanga kuunda 'kisiwa' kidogo katika sehemu ambayo mto Tairua unamwaga maji yake baharini katika rasi ya Coromandel Jumapili alasiri.

Kisha, waliiweka meza yao ya safari na kufungua chupa zao za vinywaji na kuanza kujiburudisha.

Wakazi walifanya mzaha kwamba walikuwa kwenye "eneo la bahari la kimataifa" lisilomilikiwa na taifa lolote hivyo hawangeathirika na marufuku hiyo ya pombe.

Watu hao walibugia vinywaji vyao hadi usiku mkesha wa Mwaka Mpya na kutazama fataki zikirushwa kuukaribisha mwaka mpya kwa mujibu wa tovuti ya New Zealand ya stuff.co.nz.

Kisiwa chao bado kilionekana Jumatatu asubuhi.

Marufuku dhidi ya unywaji pombe hadharani ilitangazwa Coromandel kipindi cha mwaka mpya na waliokiuka marufuku hiyo walikabiliwa na faini ya $250 (Ā£130; US$180) au kutiwa mbaroni.

Lakini maafisa wa serikali wanaonekana kuchukuliwa kisa cha kundi hilo la watu kwa ucheshi.

"Huo ni ubunifu wa hali ya juu - laiti ningelijua kuhusu hilo pengine ningejiunga nao," kamanda wa polisi wa eneo hilo Inspekta John Kelly alisema alipofahamishwa kuhusu kisiwa hicho.


Kisiwa hicho bado kilionekana asubuhi Januari mosi

Picha zao zilipakiwa kwenye kundi la wakazi kwenye Facebook la Tairua ChitChat na David Saunders.

Aliambia BBC kwamba inafurahisha kuwa kuna wakazi walioamua kujiburudisha.

Lakini mwanaharakati mwingine Noddy Watts alisema marufuku hiyo haijafanikiwa na badala yake watu wengi wamekamatwa.

Amesema polisi sana wanakabiliana na vijana walevi.

"Hiyo siyo kazi yao, hiyo ni kazi ya wazazi," alisema kwa mujibu wa gazeti la New Zealand Herald.


Maoni

Machapisho maarufu kutoka blogu hii

MAPENZI: Kuna faida na ni muhimu Mpenzi wako kuwa rafiki yako pia

Kuna faida kubwa kwa wapenzi kuwa marafiki KUTOKANA na mila mbalimbali, baadhi ya watu wamekuwa wakiamini kwamba mwanamke ni daraja la pili. Daraja la kwanza na lenye kuthaminiwa ni mwanaume. Yaani mwanamke hana kauli kwa mwanaume. Anakuwa kama mtumwa fulani hivi.  Mwanaume akiongea, basi ni maelekezo kama vile rais wa nchi anavyotoa maelekezo kwa watu walio chini yake. Hakuna wa kupinga. Akisema sitaki kitu fulani kifanyike, basi ni mpaka atakapotoa maelekezo mengine. Vinginevyo, maelekezo ya awali yatabaki kusimama kama sheria.  Wapo baadhi ya wanawake wanaofurahia aina hii ya uhusiano kwa sababu ya mazoea. Kwamba wamekuzwa hivyo, mwanaume ni mwanaume. Huu ni mfumo ambao watu wengi wamekuwa wakiuishi. Kuna ambao wanakubaliana nao, wengine hawakubaliani nao.  Watu wengi sana wamekuwa wakiishi katika malumbano katika mahusiano yao kutokana na mfumo huu wa maisha. Mwanamke hataki kuishi kama mtumwa, mume anakomaa kuonesha uanaume wake. Hakuna anayekubali kushuka,...

Urusi: Vikwazo dhidi ya Korea Kaskazini havitafua dafu

MTEULE THE BEST Image caption Waziri wa maswala ya kigeni nchini Urusi Sergei Lavrov na mwenzeka wa Marekani Rex Tillerson Waziri wa maswala ya kigeni nchini Urusi Segei Lavrov amemwambia waziri wa ulinzi nchini Marekani Rex Tillerson kwamba kuiwekea vikwazo zaidi Korea Kaskazini hakutafua dafu. Taarifa iliochapishwa na wizara ya kigeni nchini Urusi inasema kuwa wawili hao walizungumza kwa njia ya simu na kushutumu majaribio ya makombora ya hivi karibuni yaliotekelezwa na Pyongyang . Lakini inasema kuwa bwana Lavrov alisisitiza kwamba diplomasia ndio njia ya pekee ya kumaliza wasiwasi katika rasi ya Korea, na kutaka hatua zozote dhidi ya taifa hilo kusitishwa akionya huenda zikasababisha madhara yasiojulikana. Waziri wa ulinzi nchini Marekani amesisitiza kuwa bado kuna fursa ya kidiplomasia katika kukabiliana na Korea Kaskazini. Mapema rais Trump alichapisha ujumbe katika akaunti yake ya Twitter akisema mazungumzo sio suluhisho.

Fuvu la binadamu wa kale liligunduliwa miaka 60 iliyopita nchini Tanzania

Fuvu la binadamu wa kale liligunduliwa miaka 60 iliyopita nchini Tanzania Miaka 60 siku kama ya leo ugunduzi mkubwa ulifanyika katika eneo la Olduvai Gorge, kwenye kreta ya Ngorongoro. Wanaakiolojia Louis na Mary Leakey waligundua fuvu la mtu anayeaminika kuwa ni wa kale zaidi waliyompa jina la Zinjanthropus. Ugunduzi huo uliofanyika saa nne asubuhi Julai 22, 1959 kipindi hicho kwenye eneo la Tanganyika ulikuwa wa vipande zaidi ya 100 ukasaidia katika kutambua asili ya watu wa awali duniani. Kabla ya ugunduzi huo, wanasayansi na wanahistoria walikuwa wakiamini kuwa binadamu wa kale walitokea Uchina baada ya ugunduzi wa mafuvu ya kale baina ya 1923 na 1927 nchini humo ya Homo eractus, ama maarufu kama Peking Man. Mafuvu hayo ya Uchina yalikuwa na umri wa takribani miaka 750,000. Mafuvu ya Olduvai eneo ambalo kwa sasa lipo Tanzania wakati wa ugunduzi wake lilikuwa na umri wa takribani miaka milioni 1.75, na hakuna mabaki ya mtu wa kale zaidi ambayo mpaka sasa yamegundul...