Ruka hadi kwenye maudhui makuu

Merkel na Li watetea makubaliano na Iran


Kansela wa Ujerumani  Angela Merkel na waziri mkuu  wa China Li Keqiang wametetea makubaliano ya kinyuklia na Iran, wakati Li  akisema kusitisha makubaliano hayo kutaleta utata katika majadiliano na Korea kaskazini.


Merkel   na  Li  walionesha  msimamo  wa  pamoja  kuelekea  Iran pamoja  na  biashara  huru, masuala  mawili  ambayo  yameshuhudia uingiliaji  kati  wa  Marekani  ambapo  rais  Donald Trump  alichukua hatua  hiyo. Hayo  yalijadiliwa  katika  mkutano  wao  katika  ziara ya  kansela  Merkel  mjini  Beijing.


waziri mkuu wa China Li Keqiang (kushoto) akizungumza na kansela wa Ujerumani Angela Merkel (kulia)


Li  alionya  kwamba  kusitisha makubaliano  hayo  na  Iran, hakutaiathiri  tu  Iran,  lakini  pia kutakuwa  na  athari  hasi  katika  uwezo  wa  kutatua  masuala mengine  mazito  kupitia  majadiliano  ya  amani.


Hakuitaja  Korea  kaskazini  kwa  jina , lakini  wachambuzi wameonya  kwamba  kujitoa  kwa  Trump  kutoka  katika makubaliano  hayo  na  Iran  kunachafua  uaminifu  wa  Marekani kabla  ya  mkutano  uliopangwa  kufanyika  katika  ya  kiongozi  wa Korea  kaskazini  Kim Jong Un  na  Trump  mwezi  ujao.


Kansela  wa  Ujerumani  Angela  Merkel  pia  alieleza  wasi  wasi wake  juu  ya  athari  za  kiuchumi  kwa  Ulaya  kutokana  na  hatua hiyo  ya  Trump  kujitoa  kutoka  katika  makubaliano  na  Iran.




Uamuzi  wa  Trump  kurejesha  vikwazo  dhidi  ya  Iran , licha  ya maombi  kutoka  kwa  washirika  kuendelea  na  makubaliano  hayo, kunaweza  kuathiri  makampuni  ya  ulaya  ambayo  yanafanya biashara   nchini  Iran  tangu  yaliposainiwa  makubaliano  hayo mwaka  2015.


Kansela Merkel akisimama karibu na treni yendayo kasi iliyotengenezwa na kampuni ya Ujerumani nchini China.


Makampuni  ya  Ulaya 


Iwapo  makampuni  ya  Ulaya  yatajitoa  ama  kupunguza  operesheni zao  nchini  Iran  kwa  kuhofia  vikwazo  vya  marekani , hali  hiyo italeta  fursa  kwa  makampuni  kutoka  mataifa  mengine  kuingia nchini  Iran  na  kufanyabiashara ," Merkel  alisema.

kuhusiana  na  biashara  , Merkel  alikaribisha  hatua  ya  China  ya kupunguza  ushuru  kwa  magari  yanayoingia  nchini  humo na kuruhusu  makampuni  ya magari  ya  kigeni  kumiliki  hisa  kubwa katika  miradi ya  pamoja  na  washirika  wao  wa  China.


Kansela  amezungumzia  pia  madai  ya  Ujerumani  kwa  China  ya kupunguza  vizuwizi  katika  uwekezaji  wa  nje , akisema  nchi  hizo mbili  zitatia  saini  makubaliano  ya  kuwezesha  kila  nchi  kupata fursa  ya  kuingia  katika  soko  la  mwenzake  kwa  upande  wa magari.


Waziri mkuu wa China Li Keqiang

"China  na  Ujerumani  zimo  katika  njia  ya  kuhimiza  mahusiano  na mataifa  mengine  pamoja  na  kuimarisha  biashara  huru," alisema Merkel , ambaye  aliongozana  na  ujumbe  wa  viongozi  wa makampuni 18  kutoka  Ujerumani.


Li alidokeza  kwamba   makubaliano  ya  uwekezaji  kati  ya  China na  Umoja  wa  Ulaya, ambayo  yamekuwa  yakifanyiwa  kazi  kwa muda  mrefu, huenda  yakatiwa  saini  wakati  wa  mkutano  wa pande  hizo  mbili  wa  kila  mwaka  mwezi  Julai mjini  Beijing


Lebo:

Maoni

Chapisha Maoni

Machapisho maarufu kutoka blogu hii

Urusi: Vikwazo dhidi ya Korea Kaskazini havitafua dafu

MTEULE THE BEST Image caption Waziri wa maswala ya kigeni nchini Urusi Sergei Lavrov na mwenzeka wa Marekani Rex Tillerson Waziri wa maswala ya kigeni nchini Urusi Segei Lavrov amemwambia waziri wa ulinzi nchini Marekani Rex Tillerson kwamba kuiwekea vikwazo zaidi Korea Kaskazini hakutafua dafu. Taarifa iliochapishwa na wizara ya kigeni nchini Urusi inasema kuwa wawili hao walizungumza kwa njia ya simu na kushutumu majaribio ya makombora ya hivi karibuni yaliotekelezwa na Pyongyang . Lakini inasema kuwa bwana Lavrov alisisitiza kwamba diplomasia ndio njia ya pekee ya kumaliza wasiwasi katika rasi ya Korea, na kutaka hatua zozote dhidi ya taifa hilo kusitishwa akionya huenda zikasababisha madhara yasiojulikana. Waziri wa ulinzi nchini Marekani amesisitiza kuwa bado kuna fursa ya kidiplomasia katika kukabiliana na Korea Kaskazini. Mapema rais Trump alichapisha ujumbe katika akaunti yake ya Twitter akisema mazungumzo sio suluhisho.
Chapisha Maoni
mteule the best »

*DKT. MAGUFULI, MNANGAGWA WAWEKA HISTORIA MPYA*

Rais wa Zimbabwe, Emerson Mnangagwa na Rais wa Jamhuri ya Muungano wa Tanzania, Dkt. John Pombe Magufuli Rais wa Zimbabwe, Emerson Mnangagwa na Rais wa Jamhuri ya Muungano wa Tanzania, Dkt. John Pombe Magufuli wameweka historia mpya kwa kukubaliana kushirikiana kwenye maeneo makuu matatu yenye tija pande zote. *Kwanza*, *Kuimarisha uchumi* wa nchi hizi mbili kwa kukuza uwekezaji na biashara ambao umeanza kuonesha matunda makubwa. Mathalani, katika eneo la biashara kumeonyesha mafanikio makubwa kila mwaka. Mfano mwaka 2016 biashara kati ya Tanzania na Zimbabwe ilikuwa ni Tsh. Bilioni 18.3. Mwaka 2017 biashara ilikuwa Tsh. Bilioni 21.1. *Pili*; *kushirikiana* vyema kwenye masuala ya *utalii* kwa kutumia wingi wa vivutio vya utalii kama vile mbuga za wanyama, fukwe, maeneo ya kihistoria pamoja na Mlima Kilimanjaro. *Tatu*; Kushirikiana na kuimarisha eneo la *huduma za kijamii* zikiwemo afya, utamaduni, elimu na kukuza lugha ya kiswahili ambapo Tanzania ina Waalimu wa kutosha na hivyo...
Chapisha Maoni
mteule the best »

MAPENZI: Kuna faida na ni muhimu Mpenzi wako kuwa rafiki yako pia

Kuna faida kubwa kwa wapenzi kuwa marafiki KUTOKANA na mila mbalimbali, baadhi ya watu wamekuwa wakiamini kwamba mwanamke ni daraja la pili. Daraja la kwanza na lenye kuthaminiwa ni mwanaume. Yaani mwanamke hana kauli kwa mwanaume. Anakuwa kama mtumwa fulani hivi.  Mwanaume akiongea, basi ni maelekezo kama vile rais wa nchi anavyotoa maelekezo kwa watu walio chini yake. Hakuna wa kupinga. Akisema sitaki kitu fulani kifanyike, basi ni mpaka atakapotoa maelekezo mengine. Vinginevyo, maelekezo ya awali yatabaki kusimama kama sheria.  Wapo baadhi ya wanawake wanaofurahia aina hii ya uhusiano kwa sababu ya mazoea. Kwamba wamekuzwa hivyo, mwanaume ni mwanaume. Huu ni mfumo ambao watu wengi wamekuwa wakiuishi. Kuna ambao wanakubaliana nao, wengine hawakubaliani nao.  Watu wengi sana wamekuwa wakiishi katika malumbano katika mahusiano yao kutokana na mfumo huu wa maisha. Mwanamke hataki kuishi kama mtumwa, mume anakomaa kuonesha uanaume wake. Hakuna anayekubali kushuka,...
Chapisha Maoni
mteule the best »