UBAGUZI WA RANGI TRUMP ASHUTUMIWA

Donald Trump ashutumiwa kwa ubaguzi wa rangi dhidi ya wabunge wa Democratic

Rashida Tlaib (kati), akiwa na Alexandria Ocasio-Cortez (kushoto) na Ayanna Pressley (kulia)

Rais wa Marekani Donald Trump ameshutumiwa kwa ubaguzi wa rangu baada ya kundika ujumbe kwenye twitter akiwashambulia wabunge wanawake wa chama cha Democratic.

Amedai kuwa wanawake hao "wamewasili kutoka mataifa ambayo serikali zake ni majanga matupu", kabla ya kupendekeza "warudi walikotoka".

Baada ya hapo alisema kuwa spika Nancy Pelosi "atafurahi sana kuwashughulikia kwa haraka mipango ya safari ya bure".

Haya ni wiki moja baada ya Bi Pelosi kukabiliana kwa maneno na "kundi hilo", la wabunge wasio watu weupe wa mrengo wa kushoto wa chama cha Democratic.

Kati ya wabunge hao wanne, watatu - Alexandria Ocasio-Cortez, Rashida Tlaib na Ayanna Pressley - walizaliwa na kulelewa Marekani, huku wanne, Ilhan Omar, alihamia Marekani alipokuwa mtoto.

Bi Ocasio-Cortez alizaliwa mjini Bronx - New York, kiasi cha maili 12 kutoka hospitali ya Queens alikozaliwa Trump mwenyewe.

Rais Trump amesema nini?

Katika msururu wa ujumbe kwenye twitter, Trump amewashutumu wabunge hao kwa kumshutumu yeye na Marekani kwa "ukali".

Aliandika: "Inavutia kuona wabunge wa Democratic 'wanaotaka maendeleo' ambao waliwasili kutoka nchi ambazo serikali zake ni majanga matupu, zilizo mbaya zaidi, zilizo na kiwango kikubwa cha rushwa, na zisizojiweza kokote duniani (iwapo ni serikali zilizokuwa zinafanya kazi) sasa wakizungumza kwa ukali wakiwaambia watu wa Marekani, taifa kubwa na lenye nguvu duniani, namna tunavyostahili kuiendesha serikali yetu.

"Kwanini wasirudi kusaidia kuyarekebisha mataifa yaliosambaratika na yaliogubikwa kwa uhalifu wanakotoka. Alafu warudi watuonyeshe namna inavyostahili kushughulikiwa.

"Maeneo hayo yanhitaji usaidizi wenu sana, mungeondoka haraka sana. Nina hakika Nancy Pelosi atafurahi sana kuwashughulikia mipango ya safari ya bure!"

Hakuwataja moja kwa moja wabunge wanawake waliokuwa akiwazungumza.

Hatahivyo, kutokana na kumtaja Bi Pelosi imedhaniwa pakubwa kwamba anamaanisha Bi Ocasio-Cortez, Bi Tlaib, Ms Pressley na Bi Ms Omar.

Katika wiki iliyopita, Pelosi amekabiliana kwa maneno na Bi Ocasio-Cortez, aliyemshutumu kwa kuwashutumu wanawake wa rangi kufuatia tofauti kati ya Democrat kuhus mswada wa usalama wa mpakani.

Kauli hiyo imepokewaje?

Bi Pelosi, spika wa bunge, amenukuu ujumbe wa Trump na kutaja maneno yake ya "kibaguzi".

"Wakati @realDonaldTrump anawaambia wabunge wanne wa Marekani warudi nchini mwao, anthibitisha mpango wake wa 'Make America Great Again' unahushu kuifanya Marekani liwe taifa ka watu weupekwa mara nyingine," alisema.

"Utofauti wetu ndio nguvu yetu na umoja wetu ndio nguvu zetu," amesema.

Bi Tlaib, mbunge wa Michigan 13th district, alituma ujumbe akitaka kura ya kutokuwana imani na Trump iidhinishwe.

"Unataka jibu kwautovu wa sheria na kushindwa kwa rais ? Yeye ndiye janga. Mitazamo yake ndiyo janga, anahitaji kura ya kutokuwana imani naye" aliandika.

Bi Ocasio-Cortez alimtumia Trump ujumbe: "zaidi ya kutokubali kuwa Marekani imetuchagua, huwezi kukubali kwamba hatukuogopi."

Bi Omar alimwambia rais kwamba "anapalilia utaifa wa watu weupe kwasbaabu una hasira kuwa watu kama sisi wanalitumikia bunge na kupambana dhidi ya ajenda yako ya chuki".

Kadhalika alimuita "kiongozi mbaya, mfisadi mkubwa na kiongozi asiyeweza kuwajibika tuliyewahi kumuona".

Na Bi Pressley alituma picha aliyonasa ya ujumbe wa Trump akiongeza: "HIVI ndivyo ubaguzi wa rangi ulivyo Sisi ni demokrasia ilivyo."

Wanachama wa Democratic wanaowania uteuzi wa urais pia walimshutumu Trump. Seneta Elizabeth Warren alisema "kauli chafu" ni "shambulio la kibaguzi".

Bernie Sanders pia alimshutumu Trump kwa ubaguzi

Wabunge wachache wa Republican walituma ujumbe moja kwa moja ila binti yake John McCain anayekiunga chama hicho mkono Meghan McCain -alisema: "Huu ni ubaguzi wa rangi."

Wachambuzi wengine pia walishutumu katika mitandao ya kijamii.

MAPENZI: Kuna faida na ni muhimu Mpenzi wako kuwa rafiki yako pia

Kuna faida kubwa kwa wapenzi kuwa marafiki KUTOKANA na mila mbalimbali, baadhi ya watu wamekuwa wakiamini kwamba mwanamke ni daraja la pili. Daraja la kwanza na lenye kuthaminiwa ni mwanaume. Yaani mwanamke hana kauli kwa mwanaume. Anakuwa kama mtumwa fulani hivi. Mwanaume akiongea, basi ni maelekezo kama vile rais wa nchi anavyotoa maelekezo kwa watu walio chini yake. Hakuna wa kupinga. Akisema sitaki kitu fulani kifanyike, basi ni mpaka atakapotoa maelekezo mengine. Vinginevyo, maelekezo ya awali yatabaki kusimama kama sheria. Wapo baadhi ya wanawake wanaofurahia aina hii ya uhusiano kwa sababu ya mazoea. Kwamba wamekuzwa hivyo, mwanaume ni mwanaume. Huu ni mfumo ambao watu wengi wamekuwa wakiuishi. Kuna ambao wanakubaliana nao, wengine hawakubaliani nao. Watu wengi sana wamekuwa wakiishi katika malumbano katika mahusiano yao kutokana na mfumo huu wa maisha. Mwanamke hataki kuishi kama mtumwa, mume anakomaa kuonesha uanaume wake. Hakuna anayekubali kushuka,...

mteule the best »

Urusi: Vikwazo dhidi ya Korea Kaskazini havitafua dafu

MTEULE THE BEST Image caption Waziri wa maswala ya kigeni nchini Urusi Sergei Lavrov na mwenzeka wa Marekani Rex Tillerson Waziri wa maswala ya kigeni nchini Urusi Segei Lavrov amemwambia waziri wa ulinzi nchini Marekani Rex Tillerson kwamba kuiwekea vikwazo zaidi Korea Kaskazini hakutafua dafu. Taarifa iliochapishwa na wizara ya kigeni nchini Urusi inasema kuwa wawili hao walizungumza kwa njia ya simu na kushutumu majaribio ya makombora ya hivi karibuni yaliotekelezwa na Pyongyang . Lakini inasema kuwa bwana Lavrov alisisitiza kwamba diplomasia ndio njia ya pekee ya kumaliza wasiwasi katika rasi ya Korea, na kutaka hatua zozote dhidi ya taifa hilo kusitishwa akionya huenda zikasababisha madhara yasiojulikana. Waziri wa ulinzi nchini Marekani amesisitiza kuwa bado kuna fursa ya kidiplomasia katika kukabiliana na Korea Kaskazini. Mapema rais Trump alichapisha ujumbe katika akaunti yake ya Twitter akisema mazungumzo sio suluhisho.

mteule the best »

Fuvu la binadamu wa kale liligunduliwa miaka 60 iliyopita nchini Tanzania

Fuvu la binadamu wa kale liligunduliwa miaka 60 iliyopita nchini Tanzania Miaka 60 siku kama ya leo ugunduzi mkubwa ulifanyika katika eneo la Olduvai Gorge, kwenye kreta ya Ngorongoro. Wanaakiolojia Louis na Mary Leakey waligundua fuvu la mtu anayeaminika kuwa ni wa kale zaidi waliyompa jina la Zinjanthropus. Ugunduzi huo uliofanyika saa nne asubuhi Julai 22, 1959 kipindi hicho kwenye eneo la Tanganyika ulikuwa wa vipande zaidi ya 100 ukasaidia katika kutambua asili ya watu wa awali duniani. Kabla ya ugunduzi huo, wanasayansi na wanahistoria walikuwa wakiamini kuwa binadamu wa kale walitokea Uchina baada ya ugunduzi wa mafuvu ya kale baina ya 1923 na 1927 nchini humo ya Homo eractus, ama maarufu kama Peking Man. Mafuvu hayo ya Uchina yalikuwa na umri wa takribani miaka 750,000. Mafuvu ya Olduvai eneo ambalo kwa sasa lipo Tanzania wakati wa ugunduzi wake lilikuwa na umri wa takribani miaka milioni 1.75, na hakuna mabaki ya mtu wa kale zaidi ambayo mpaka sasa yamegundul...

mteule the best »

SOCIALISM

Tafuta katika Blogu Hii