Ruka hadi kwenye maudhui makuu

Italia yatumbukia katika mgogoro wa kisiasa




Italia imetumbukia katika mgogoro mpya wa kisiasa baada ya kusambaratika kwa jaribio la vyama vinavyofuata siasa za kizalendo kuchukua madaraka. Hii ni baada ya Waziri Mkuu mtarajiwa Giuseppe Conte kujiuzulu


Rais wa nchi hiyo Sergio Mattarella anatarajiwa kumteua mchumi anayeunga mkono sera za kubana matumizi kuiongoza serikali ya watalaamu kabla ya uchaguzi mpya. Rais Sergio Mattarella alitumia kura ya turufu kupinga uteuzi wa kiongozi anayekosoa vikali sera za Ulaya Paolo Savona kuwa waziri wa uchumi, hatua iliyovikasirisha vyama vya upinzani vya Five Star Movement na the League cha siasa kali za mrengo wa kulia na kusababisha waziri mkuu wao mteule Giuseppe Conte kujiuzulu.


Conte, mwenye umri wa miaka 53, ambaye ni wakili asiye na ujuzi wa kisiasa alitangaza kuwa ameachana na juhudi zake za kuunda serikali ya mabadiliko, hatua iliyoitumbukiza nchi hiyo katika mgogoro wa kisiasa karibu miezi mitatu baada ya uchaguzi mkuu wa Machi ambao haukutoa mshindi wa wazi. "Kama ilivyotarajiwa, nimerejesha mamlaka yangu niliyopewa na rais wa Jamhuri, Mattarella, ya kuunda serikali ya kuleta mabadiliko. Nimefanya juhudi kubwa, na kujitolea katika jukumu hili na hili limefikiwa katika mazingira yenye ushirikiano kamili na viongozi wa kisiasa walionipendekeza".




Rais Marttarella amekubali kujiuzulu kwa Conte


Rais Mattarella alikubali kila waziri aliyependekezwa isipokuwa Savona, ambaye aliitaja kanda ya euro kuwa sawa na "kizimba cha Ujerumani” na kusema kuwa Italia inahitaji mpango wa kujiondoa katika kanda hiyo ya sarafu ya euro kama itabidi kufanya hivyo. "Profesa Conte, ambaye namthamini na kumshukuru, ameniletea orodha ya majina ya mawaziri, ambayo nastahili kikatiba kuchukua jukumu la kuisaini orodha hiyo. Kwa hiyo rais wa jamhuri ana jukumu la dhamana, ambalo haliwezi kuchukuliwa na nafasi nyingine ya kisiasa. Nimeidhinisha mapendekezo yote ya mawaziri, lakini sikuidhinisha jina la waziri wa uchumi"


Viongozi wa vyama vya Five Star na the League, Luigi Di Maio na Matteo Salvini, walilaani kura hiyo ya turufu, wakilalamikia kile walichokiita kuwa ni uingiliaji unaofanywa na Ujerumani, mashirika ya viwango vya ukopeshekaji na mashirika ya kifedha.


MADA ZINAZOHUSIANA


Italia

Silvio Berlusconi

Rais Mattarella amemuita Carlo Cottarelli, mchumi ambaye awali alifanya kazi na Shirika la Fedha la Kimataifa – IMF, kwa ajili ya mazungumzo leo, huku kukiwa na uvumi kwamba Cottarelli ataombwa kuunda serikali ya mpito wakati Italia ikikabiliwa na uwezekano mkubwa wa kuitisha uchaguzi wa mapema.


Cottarelli, mwenye umri wa miaka 64, alikuwa mkurugenzi mkuu wa idara ya masuala ya kifedha ya IMF kuanzia 2008 hadi 2013 na akajulikana kama "Bwana Mkasi” kwa kukata au kupunguza gharama ya matumizi ya fedha za umma nchini Italia.


Atakabiliwa na upinzani mkali wa kupewa ridhaa ya bunge huku kwa sababu vyama vya Five Star na the League vina wingi wa viti katika mabunge yote mawili


Lebo:

Maoni

Chapisha Maoni

Machapisho maarufu kutoka blogu hii

Urusi: Vikwazo dhidi ya Korea Kaskazini havitafua dafu

MTEULE THE BEST Image caption Waziri wa maswala ya kigeni nchini Urusi Sergei Lavrov na mwenzeka wa Marekani Rex Tillerson Waziri wa maswala ya kigeni nchini Urusi Segei Lavrov amemwambia waziri wa ulinzi nchini Marekani Rex Tillerson kwamba kuiwekea vikwazo zaidi Korea Kaskazini hakutafua dafu. Taarifa iliochapishwa na wizara ya kigeni nchini Urusi inasema kuwa wawili hao walizungumza kwa njia ya simu na kushutumu majaribio ya makombora ya hivi karibuni yaliotekelezwa na Pyongyang . Lakini inasema kuwa bwana Lavrov alisisitiza kwamba diplomasia ndio njia ya pekee ya kumaliza wasiwasi katika rasi ya Korea, na kutaka hatua zozote dhidi ya taifa hilo kusitishwa akionya huenda zikasababisha madhara yasiojulikana. Waziri wa ulinzi nchini Marekani amesisitiza kuwa bado kuna fursa ya kidiplomasia katika kukabiliana na Korea Kaskazini. Mapema rais Trump alichapisha ujumbe katika akaunti yake ya Twitter akisema mazungumzo sio suluhisho.
Chapisha Maoni
mteule the best »

*DKT. MAGUFULI, MNANGAGWA WAWEKA HISTORIA MPYA*

Rais wa Zimbabwe, Emerson Mnangagwa na Rais wa Jamhuri ya Muungano wa Tanzania, Dkt. John Pombe Magufuli Rais wa Zimbabwe, Emerson Mnangagwa na Rais wa Jamhuri ya Muungano wa Tanzania, Dkt. John Pombe Magufuli wameweka historia mpya kwa kukubaliana kushirikiana kwenye maeneo makuu matatu yenye tija pande zote. *Kwanza*, *Kuimarisha uchumi* wa nchi hizi mbili kwa kukuza uwekezaji na biashara ambao umeanza kuonesha matunda makubwa. Mathalani, katika eneo la biashara kumeonyesha mafanikio makubwa kila mwaka. Mfano mwaka 2016 biashara kati ya Tanzania na Zimbabwe ilikuwa ni Tsh. Bilioni 18.3. Mwaka 2017 biashara ilikuwa Tsh. Bilioni 21.1. *Pili*; *kushirikiana* vyema kwenye masuala ya *utalii* kwa kutumia wingi wa vivutio vya utalii kama vile mbuga za wanyama, fukwe, maeneo ya kihistoria pamoja na Mlima Kilimanjaro. *Tatu*; Kushirikiana na kuimarisha eneo la *huduma za kijamii* zikiwemo afya, utamaduni, elimu na kukuza lugha ya kiswahili ambapo Tanzania ina Waalimu wa kutosha na hivyo...
Chapisha Maoni
mteule the best »

MAPENZI: Kuna faida na ni muhimu Mpenzi wako kuwa rafiki yako pia

Kuna faida kubwa kwa wapenzi kuwa marafiki KUTOKANA na mila mbalimbali, baadhi ya watu wamekuwa wakiamini kwamba mwanamke ni daraja la pili. Daraja la kwanza na lenye kuthaminiwa ni mwanaume. Yaani mwanamke hana kauli kwa mwanaume. Anakuwa kama mtumwa fulani hivi.  Mwanaume akiongea, basi ni maelekezo kama vile rais wa nchi anavyotoa maelekezo kwa watu walio chini yake. Hakuna wa kupinga. Akisema sitaki kitu fulani kifanyike, basi ni mpaka atakapotoa maelekezo mengine. Vinginevyo, maelekezo ya awali yatabaki kusimama kama sheria.  Wapo baadhi ya wanawake wanaofurahia aina hii ya uhusiano kwa sababu ya mazoea. Kwamba wamekuzwa hivyo, mwanaume ni mwanaume. Huu ni mfumo ambao watu wengi wamekuwa wakiuishi. Kuna ambao wanakubaliana nao, wengine hawakubaliani nao.  Watu wengi sana wamekuwa wakiishi katika malumbano katika mahusiano yao kutokana na mfumo huu wa maisha. Mwanamke hataki kuishi kama mtumwa, mume anakomaa kuonesha uanaume wake. Hakuna anayekubali kushuka,...
Chapisha Maoni
mteule the best »