Ruka hadi kwenye maudhui makuu

Diamond Platnumz: Ni wakati wangu sasa kuwasaidia watanzania

MTEULE THE BEST

 

Diamond Platnumz: Ni wakati wangu sasa kuwasaidia watanzania

 

 

Mbali na kuiwakilisha vema nchi Kimataifa pia muziki huo umekuwa ukichangia pato la Taifa na kuboresha maisha ya baadhi ya Watanzania.
Hapana shaka sanaa zinazoitoa Tanzania kimasomaso kwa sasa ni muziki wa kizazi kipya, kwa kuwa umekuwa tegemeo pekee la kushinda katika nafasi mbalimbali wasanii wanazowania ikilinganishwa na fani nyingine za sanaa na michezo.
Mbali na kuiwakilisha vema nchi Kimataifa pia muziki huo umekuwa ukichangia pato la Taifa na kuboresha maisha ya baadhi ya Watanzania.
Msanii kutoka Tandale, Diamond Platnumz ni miongoni mwa wasanii hao baada ya kufanya vema kimataifa sasa anarudi nyumbani na kuiambia jamii asante.
Katika mahojiano yake na Starehe Diamond alisema alianza kuwashukuru wananchi wa Tandale kwa kuwalipia bima ya afya baadhi yao na kusaidia kutatua matatizo ya baadhi ya shule.
Alisema ameguswa zaidi na changamoto wanazokutana nazo wanafunzi kutokana na kukumbuka alikotoka.
“Unajua mimi nimesoma kwa shida, nimekuwa kwa shida, nimeishi kwa shida, sitamani kuona mtu mwingine akipitia hayo ndiyo maana ninapoweza kusaidia nafanya hivyo, ” alisema Diamond.
Alisema ameanza na Jiji la Dar es Salaam kwa sababu ndiko alikokulia na maeneo yenye mahitaji anayafahamu sasa anajipanga kwenda mikoani.
Alifafanua kila jambo lina wakati wake, lakini mipango yake ni kuhakikisha kidogo anachokipata anakipeleka kwa wanafunzi ambao anaamini hawana jinsi zaidi ya kusoma na hawana wa kuwatetea zaidi ya anayefahamu maisha halisi ya shule za Kayumba.
Katika kuonyesha amelipania hilo ameungana na Mkuu wa Mkoa wa Dar es Salaam, Paul Makonda kutatua tatizo la madawati kwa kutumia Sh 48 milioni kutengeneza madawati imara yatakayodumu kwa miaka mitano kwa ajili ya shule za mkoa huo.
Alisema Makonda anapambana kuwasaidia wanafunzi wanaosoma katika mazingira kama aliyosomea yeye, hivyo hana budi kuungana naye katika mapambano hayo.
Diamond ambaye ni Mkurugenzi Mtendaji Mkuu wa lebo ya muziki (WCB) alisema kutokana na mkuu wa mkoa huyo kuchukulia sanaa ni moja ya taaluma kama nyingine wameona ni vema kurudisha faida wanayoipata kwa jamii hasa anapoona kuna mafanikio katika kazi wanayofanya.
“Tunamshukuru Paul Makonda kukubali kuwa mlezi wetu WCB, tutahakikisha kila tunalolifanya tutafanya kwa bidii kwa lengo la kutomuangusha mlezi wetu, ambaye ameonekana hataki masihara katika kazi.
“Tutahakikisha tunaendelea kusaidia kundi kubwa la vijana hususani katika sanaa kwa kuwashika mikono kukuza vipaji vyao,” alisema Diamond.
Makonda alisema msanii huyo amekuwa wa kwanza nchini kuguswa na kufanya jambo la kizalendo la kuunga mkono jitihada za Serikali.
“Namshukuru Diamond na uongozi wa WCB kwa kuisaidia jamii hususani wadogo zenu waliopo shuleni, mmeonyesha uzalendo wa hali ya juu kuungana na jitihada za Rais John Magufuli katika kuhakikisha elimu bure inapatikana na kuhakikisha changamoto mbalimbali zinamalizika,” alisema.
Atengeneza ajira 43
Licha ya kufanya vizuri katika kazi zake za muziki, Diamond amefanikiwa kutengeneza ajira 43 mpaka sasa na anatarajiwa kutengeneza ajira kwa wasomi kadhaa baada ya kuanzisha kampuni nyingine.
Kujituma kwa msanii huyu kunaifanya Tanzania kuanza kufikiria upya ni namna gani inaweza kutumia vipaji katika kutengeneza ajira kwa wasomi wanaozalishwa kila uchao katika vyuo vikuu mbalimbali na kukosa ajira.
Makonda alisema licha ya kutoa msaada huo, Diamond ana nafasi ya kuajiri wasomi na wataalamu mbalimbali kutokana na kuanzisha kampuni hiyo ya WCB inayojihusisha na masuala mbalimbali ikiwamo kuibua vipaji vipya.
“Diamond kupitia kampuni yake atahitaji watu wa sheria atakaowatumia wakati wa kuingia mikataba, wataalamu wa teknolojia watakaosimamia blog, nembo za kazi zake, watunza fedha kwa ajili ya kusimamia mapato na matumizi,” alisema Makonda.
Kuhusu WCB
WCB ni kampuni inayomilikiwa na mwanamuziki Diamond inajishughulisha na kurekodi video na audio na kusimamia wasanii (record label).
Ndani ya kampuni hiyo iliyoajiri wafanyakazi 43 kuna studio ya kupiga picha .
Kampuni inajihusisha pia na kuandaa matangazo ya biashara.
Kwa upande wa wasanii waliosaini mkataba la lebo ya kampuni hiyo, wanasimamiwa katika usambazaji wa kazi zao, utangazaji, kurekodi kazi za muziki video na audio, huku shughuli za msanii husika ikiwa ni utunzi, uimbaji na shoo.

 

Maoni

Chapisha Maoni

Machapisho maarufu kutoka blogu hii

Urusi: Vikwazo dhidi ya Korea Kaskazini havitafua dafu

MTEULE THE BEST Image caption Waziri wa maswala ya kigeni nchini Urusi Sergei Lavrov na mwenzeka wa Marekani Rex Tillerson Waziri wa maswala ya kigeni nchini Urusi Segei Lavrov amemwambia waziri wa ulinzi nchini Marekani Rex Tillerson kwamba kuiwekea vikwazo zaidi Korea Kaskazini hakutafua dafu. Taarifa iliochapishwa na wizara ya kigeni nchini Urusi inasema kuwa wawili hao walizungumza kwa njia ya simu na kushutumu majaribio ya makombora ya hivi karibuni yaliotekelezwa na Pyongyang . Lakini inasema kuwa bwana Lavrov alisisitiza kwamba diplomasia ndio njia ya pekee ya kumaliza wasiwasi katika rasi ya Korea, na kutaka hatua zozote dhidi ya taifa hilo kusitishwa akionya huenda zikasababisha madhara yasiojulikana. Waziri wa ulinzi nchini Marekani amesisitiza kuwa bado kuna fursa ya kidiplomasia katika kukabiliana na Korea Kaskazini. Mapema rais Trump alichapisha ujumbe katika akaunti yake ya Twitter akisema mazungumzo sio suluhisho.
Chapisha Maoni
mteule the best »

*DKT. MAGUFULI, MNANGAGWA WAWEKA HISTORIA MPYA*

Rais wa Zimbabwe, Emerson Mnangagwa na Rais wa Jamhuri ya Muungano wa Tanzania, Dkt. John Pombe Magufuli Rais wa Zimbabwe, Emerson Mnangagwa na Rais wa Jamhuri ya Muungano wa Tanzania, Dkt. John Pombe Magufuli wameweka historia mpya kwa kukubaliana kushirikiana kwenye maeneo makuu matatu yenye tija pande zote. *Kwanza*, *Kuimarisha uchumi* wa nchi hizi mbili kwa kukuza uwekezaji na biashara ambao umeanza kuonesha matunda makubwa. Mathalani, katika eneo la biashara kumeonyesha mafanikio makubwa kila mwaka. Mfano mwaka 2016 biashara kati ya Tanzania na Zimbabwe ilikuwa ni Tsh. Bilioni 18.3. Mwaka 2017 biashara ilikuwa Tsh. Bilioni 21.1. *Pili*; *kushirikiana* vyema kwenye masuala ya *utalii* kwa kutumia wingi wa vivutio vya utalii kama vile mbuga za wanyama, fukwe, maeneo ya kihistoria pamoja na Mlima Kilimanjaro. *Tatu*; Kushirikiana na kuimarisha eneo la *huduma za kijamii* zikiwemo afya, utamaduni, elimu na kukuza lugha ya kiswahili ambapo Tanzania ina Waalimu wa kutosha na hivyo...
Chapisha Maoni
mteule the best »

MAPENZI: Kuna faida na ni muhimu Mpenzi wako kuwa rafiki yako pia

Kuna faida kubwa kwa wapenzi kuwa marafiki KUTOKANA na mila mbalimbali, baadhi ya watu wamekuwa wakiamini kwamba mwanamke ni daraja la pili. Daraja la kwanza na lenye kuthaminiwa ni mwanaume. Yaani mwanamke hana kauli kwa mwanaume. Anakuwa kama mtumwa fulani hivi.  Mwanaume akiongea, basi ni maelekezo kama vile rais wa nchi anavyotoa maelekezo kwa watu walio chini yake. Hakuna wa kupinga. Akisema sitaki kitu fulani kifanyike, basi ni mpaka atakapotoa maelekezo mengine. Vinginevyo, maelekezo ya awali yatabaki kusimama kama sheria.  Wapo baadhi ya wanawake wanaofurahia aina hii ya uhusiano kwa sababu ya mazoea. Kwamba wamekuzwa hivyo, mwanaume ni mwanaume. Huu ni mfumo ambao watu wengi wamekuwa wakiuishi. Kuna ambao wanakubaliana nao, wengine hawakubaliani nao.  Watu wengi sana wamekuwa wakiishi katika malumbano katika mahusiano yao kutokana na mfumo huu wa maisha. Mwanamke hataki kuishi kama mtumwa, mume anakomaa kuonesha uanaume wake. Hakuna anayekubali kushuka,...
Chapisha Maoni
mteule the best »