Ruka hadi kwenye maudhui makuu

'Poleni Man Utd - lakini si Mourinho

MTEULE THE BEST
Manchester City manager Pep Guardiola (left) and Manchester United counterpart Jose Mourinho
City waliweka mwanya wa alama 11 kileleni Ligi ya Premia kati yao na United walipowalaza Jumapili
Meneja wa klabu ya Manchester City Pep Guardiola amesema anaomba radhi kwa Manchester United iwapo sherehe za City baada ya kuwashinda mahasimu hao wao wa jiji ziliwakera.
Hata hivyo, amesema hawezi kuomba radhi eti kwa sababu Jose Mourinho alikereka.
Mourinho alirushiwa maziwa nje ya chumba cha kubadilishia mavazi baada yake kwenda kulalamikia jinsi City walivyokuwa wakisherehekea baada ya kushinda debi ya Manchester Jumapili.
"Iwapo tuliwakera United - sio mchezaji mmoja, au Jose - Manchester United, basi naomba radhi," amesema Mhispania huyo.
Mourinho amesema matukio hayo baada ya ushindi wa City wa 2-1 yalikuwa "tofauti ya kitabia, na kielimu".
Kisha, alikamilisha kikao chake na wanahabari Jumanne kwa kudokeza kwamba kuendelea kuangaziwa kwa matukio hayo kunaashiria kutowaonea heshima Bournemouth, ambao watacheza dhidi ya United baadaye Jumatano.
    Chama cha Soka cha England kimezipatia klabu hizo mbili za Manchester hadi Jumatano kujibu kuhusu yaliyotokea wakati huo.
    Hata hivyo Guardiola amesema wachezaji wana haki ya kusherehekea, hasa baada ya ushindi huo kuwafanya kuwa alama 11 mbele ya United.
    "Ni lazima tufurahie haya. Iwapo watu hawaelewi, basi pole. Tulishinda debi," alisema.
    "Iwapo hatukuwa sahihi, basi nawaomba radhi Manchester United. Nia yetu haikuwa hiyo. Nia yetu ilikuwa kusherehekea ndani ya chumba cha kubadilishia mavazi."

    Uhasama

    Jose Mourinho
    Mourinho alikimbia uwanjani Nou Camp kusherehekea baada ya Inter Milan kuwalaza Barcelona nusufainali ya Ligi ya Klabu Bingwa Ulaya 2010
    Mourinho na Guardiola walifanya kazi pamoja Barcelona, Mourinho akiwa msaidizi wa wakufunzi na Pep mchezaji, lakini uhusiano wao umedorora.
    Alipoondoka Chelsea 2007, Mourinho anadaiwa kuhojiwa na wakuu wa Barcelona kuhusu kazi ya umeneja lakini badala yake Guardiola ambaye hakuwa na uzoefu mwingi kama yeye akapewa kazi hiyo Frank Rijkaard alipoondoka.
    Miaka miwili baadaye, Mourinho alikimbia uwanjani Nou Camp kusherehekea baada ya Inter Milan kuwalaza Barcelona nusufainali ya Ligi ya Klabu Bingwa Ulaya 2010. Guardiola alibaki kushangaa.
    Akiwa Real Madrid, Mourinho alimwelekezea kidole jichoni msaidizi wa Guardiola Tito Vilanova na kudokeza kwamba Barca walikuwa wanapendelewa na waamuzi na maafisa wa Uefa.
    Guardiola alipoondoka Barca na kuchukua likizo kutoka kwa soka 2012, Mourinho alisema ni hatua ambayo "haiwezi kufikirika".
    "Yeye ni mdogo wangu, lakini mimi sijachoka," alisema.
    Pep Guardiola
    Guardiola akisherehekea na wachezaji wake Jumapili
    Guardiola naye amesema kuwa anapotazama na kuzipima timu zinazosimamiwa na Mourinho huwa hataki kujifunza kutoka kwa 'vituko' vya Mourinho pembeni mwa uwanja.
    Wote wawili walipewa kazi Manchester majira ya joto 2016 na walikutana mara tatu msimu uliopita, City wakashinda ligini Old Trafford Septemba, United wakashinda Old Trafford mechi ya Kombe la Ligi na mechi ya ligi ya Etihad Aprili ikaisha kwa sare tasa.
    Kabla ya mechi ya Jumapili, Mourinho alidokeza kwamba wachezaji wa City hujiangusha na kufanya makosa ya kiufundi ili kufaidi kwenye mechi
    Lebo:

    Maoni

    Chapisha Maoni

    Machapisho maarufu kutoka blogu hii

    Urusi: Vikwazo dhidi ya Korea Kaskazini havitafua dafu

    MTEULE THE BEST Image caption Waziri wa maswala ya kigeni nchini Urusi Sergei Lavrov na mwenzeka wa Marekani Rex Tillerson Waziri wa maswala ya kigeni nchini Urusi Segei Lavrov amemwambia waziri wa ulinzi nchini Marekani Rex Tillerson kwamba kuiwekea vikwazo zaidi Korea Kaskazini hakutafua dafu. Taarifa iliochapishwa na wizara ya kigeni nchini Urusi inasema kuwa wawili hao walizungumza kwa njia ya simu na kushutumu majaribio ya makombora ya hivi karibuni yaliotekelezwa na Pyongyang . Lakini inasema kuwa bwana Lavrov alisisitiza kwamba diplomasia ndio njia ya pekee ya kumaliza wasiwasi katika rasi ya Korea, na kutaka hatua zozote dhidi ya taifa hilo kusitishwa akionya huenda zikasababisha madhara yasiojulikana. Waziri wa ulinzi nchini Marekani amesisitiza kuwa bado kuna fursa ya kidiplomasia katika kukabiliana na Korea Kaskazini. Mapema rais Trump alichapisha ujumbe katika akaunti yake ya Twitter akisema mazungumzo sio suluhisho.
    Chapisha Maoni
    mteule the best »

    *DKT. MAGUFULI, MNANGAGWA WAWEKA HISTORIA MPYA*

    Rais wa Zimbabwe, Emerson Mnangagwa na Rais wa Jamhuri ya Muungano wa Tanzania, Dkt. John Pombe Magufuli Rais wa Zimbabwe, Emerson Mnangagwa na Rais wa Jamhuri ya Muungano wa Tanzania, Dkt. John Pombe Magufuli wameweka historia mpya kwa kukubaliana kushirikiana kwenye maeneo makuu matatu yenye tija pande zote. *Kwanza*, *Kuimarisha uchumi* wa nchi hizi mbili kwa kukuza uwekezaji na biashara ambao umeanza kuonesha matunda makubwa. Mathalani, katika eneo la biashara kumeonyesha mafanikio makubwa kila mwaka. Mfano mwaka 2016 biashara kati ya Tanzania na Zimbabwe ilikuwa ni Tsh. Bilioni 18.3. Mwaka 2017 biashara ilikuwa Tsh. Bilioni 21.1. *Pili*; *kushirikiana* vyema kwenye masuala ya *utalii* kwa kutumia wingi wa vivutio vya utalii kama vile mbuga za wanyama, fukwe, maeneo ya kihistoria pamoja na Mlima Kilimanjaro. *Tatu*; Kushirikiana na kuimarisha eneo la *huduma za kijamii* zikiwemo afya, utamaduni, elimu na kukuza lugha ya kiswahili ambapo Tanzania ina Waalimu wa kutosha na hivyo...
    Chapisha Maoni
    mteule the best »

    MAPENZI: Kuna faida na ni muhimu Mpenzi wako kuwa rafiki yako pia

    Kuna faida kubwa kwa wapenzi kuwa marafiki KUTOKANA na mila mbalimbali, baadhi ya watu wamekuwa wakiamini kwamba mwanamke ni daraja la pili. Daraja la kwanza na lenye kuthaminiwa ni mwanaume. Yaani mwanamke hana kauli kwa mwanaume. Anakuwa kama mtumwa fulani hivi.  Mwanaume akiongea, basi ni maelekezo kama vile rais wa nchi anavyotoa maelekezo kwa watu walio chini yake. Hakuna wa kupinga. Akisema sitaki kitu fulani kifanyike, basi ni mpaka atakapotoa maelekezo mengine. Vinginevyo, maelekezo ya awali yatabaki kusimama kama sheria.  Wapo baadhi ya wanawake wanaofurahia aina hii ya uhusiano kwa sababu ya mazoea. Kwamba wamekuzwa hivyo, mwanaume ni mwanaume. Huu ni mfumo ambao watu wengi wamekuwa wakiuishi. Kuna ambao wanakubaliana nao, wengine hawakubaliani nao.  Watu wengi sana wamekuwa wakiishi katika malumbano katika mahusiano yao kutokana na mfumo huu wa maisha. Mwanamke hataki kuishi kama mtumwa, mume anakomaa kuonesha uanaume wake. Hakuna anayekubali kushuka,...
    Chapisha Maoni
    mteule the best »